शिक्रापूर : मित्राला बिडी मागितली असता त्याने बिडी देण्यास नकार दिल्याने मित्रावरच मित्राने चाकूने हल्ला केला. या हल्ल्यात मित्र जखमी झाला. ही घटना कारेगाव (ता.शिरुर) येथे घडली. याप्रकरणी धीरेंद्रकुमार टन्नू यादव (वय २३ रा. फलके मळा कारेगाव ता. शिरुर जि. पुणे मूळ रा. रखाडी ता. वंज्रीगंज जि. गया बिहार) याने रांजणगाव एमआयडीसी पोलीस स्टेशन येथे फिर्याद दिली आहे.
त्यानुसार पोलिसांनी रशिद हैदरअली खान (वय २५ रा. फलके मळा कारेगाव ता. शिरुर जि. पुणे मूळ रा. रामनगर जि. वाराणसी उत्तरप्रदेश) याच्या विरुद्ध गुन्हा दाखल केला आहे. पुढील तपास सहाय्यक पोलीस उपनिरीक्षक संजीव गायकवाड हे करत आहेत.
