पुणे : पुण्यामध्ये अल्पवयीन मुलीच्या अज्ञानपणाचा गैरफायदा घेत तिला लग्न करण्याचे आमिष दाखवले. तिला वारंवार घरी बोलवत तिच्यासोबत शारीरिक संबंध प्रस्थापित केले. यातून पिडीत मुलगी गरोदर राहिल्याने हा धक्कादायक प्रकार समोर आला आहे. हा प्रकार आरोपीच्या राहत्या घरी एप्रिल ते मे 2024 या दरम्यान घडला आहे.
याप्रकरणी पिडीत 15 वर्षांच्या मुलीच्या आईने बुधवारी 10 जुलै रोजी भारती विद्यापीठ पोलीस ठाण्यात फिर्य़ाद दिली आहे. त्यानंतर पोलिसांनी शिवराज महेश गायकवाड (वय-19 रा. गुजरवाडी, कात्रज) याच्यावर भादंवि कलम 376/2/द, पोक्सो कलम 3, 4, 8 नुसार गुन्हा दाखल करुन त्याला बेड्या ठोकल्या आहेत.
पोलिसांनी दिलेल्या माहितीनुसार, सुरुवातीला आरोपीने फिर्यादी यांच्या मुलीसोबत ओळख केली. त्यानंतर मुलगी ही अल्पवयीन असल्याची माहिती असून देखील तिच्या अज्ञानपणाचा गैरफायदा घेत तिला लग्नाचे आमिष दाखवले. मुलीला वारंवार भेटण्यासाठी घरी बोलवून घेत तिच्यासोबत शारीरिक प्रस्थापित केले. यातून मुलगी सात आठवड्यांची गरोदर राहिल्याने हा धक्कादायक प्रकार उघडकीस आला. त्यानंतर पिडीत मुलीच्या आईने दिलेल्या तक्रारीवरुन पोलिसांनी आरोपीवर गुन्हा दाखल करत त्याला अटक देखील केली आहे. याप्रकरणी पुढील तपास पोलीस करीत आहेत.
