Yavat | यवत, (पुणे) : प्रवाश्यांनी गाडी वेगात चालवा असे तगादा लावल्याने वैतागलेल्या एसटी चालकाने बस पुणे – सोलापूर महामार्गावरील यवत (ता. दौंड) येथील परिसरात हायवेवर बाजूला लावून पळून गेल्याची घटना नुकतीच उघडकीस आली आहे. त्यामुळे प्रवाशांना ताटकळत थांबावे लागले. हा धक्कादायक प्रकार प्रवाशांनी फेसबुक लाईव्ह करून समोर आणला आहे.
मिळालेल्या माहितीनुसार, बोरिवली ते धाराशिव जाणारी एसटी बस शनिवारी सकाळी सहा वाजण्याच्या सुमारास बोरिवली येथून धाराशिवकडे जाण्यासाठी निघाली. ही गाडी बोरिवली-पुणे -इंदापूर – बार्शी मार्गे धाराशिवकडे निघाली होती. दुपारी चार वाजण्याच्या सुमारास ही गाडी यवत (पुणे) येथे पोहचली.
याबाबतचा व्हिडिओ सध्या सोशल मीडियावर व्हायरल….
गाडीतील प्रवाशाने गाडी फास्ट चालवा फास्ट चालवा म्हटल्याने चालक रागाच्या भरात रस्त्याच्या कडेला गाडी लावून निघून गेल्याची घटना घडली. त्यानंतर जवळपास अर्धा तास प्रवासी ताटकळत महामार्गावर थांबले होते. याबाबतचा व्हिडिओ सध्या सोशल मीडियावर अहमद शेख या व्यक्तीने शेअर केला आहे.
बोरिवली ते पुणे दरम्यान बस चालकाने जवळपास तीन ते चार तास उशीर केला होता. त्यामुळे बोरिवलीहून निघालेले प्रवाशी चालकावर चिडले होते. दुपारी दोन दरम्यान स्वारगेटहून एसटी बस धाराशिवकडे निघाली. पुणे जिल्ह्यातील यवतजवळ एका महिला प्रवाशाने एसटी चालकाला चांगलेच झापले. त्यासोबत इतर प्रवाशांनीदेखील एसटी चालकाला खडे बोल सुनावले आणि फास्ट चालवा असे सांगितले. बस चालक रागाच्या भरात हायवेवर एसटी बस थांबवून तशीच चालू ठेवून निघून गेला.
दरम्यान, संतापलेल्या प्रवाशांनी कंडक्टरकडे पैसे परत मागितले व फेसबुक लाईव्ह केले. व्हिडीओ रेकॉर्डिंग करताना पाहून कंडक्टरने ड्रायव्हरला फोन करून परत बोलावून घेतले. जवळपास अर्ध्या तासानंतर एसटी बस चालक परत आला आणि पोलीस तक्रार करण्यासाठी गेलो होतो अशी माहिती दिली. प्रवासी महिला मला सतत गाडी फास्ट चालवायला सांगत होती. त्याचा मला मानसिक त्रास झाला. त्याची फिर्याद देण्यासाठी पोलीस स्टेशनला गेलो होतो असे चालकाने परतल्यावर सांगितले.
अधिक बातम्या वाचण्यासाठी येथे क्लिक करा….!
Yavat Crime : नांदगावात शेतात काम करत नाही म्हणून एकाला मारहाण; यवत पोलीसात गुन्हा दाखल
Yavat : दौंड पंचायत समितीचे माजी सभापती मधुकर दोरगे यांना पितृशोक
