राहुलकुमार अवचट
Yavat News यवत : यवत (ता. दौंड) येथील अखिल भारतीय मराठा महासंघाच्या पुणे जिल्हा युवक कार्याध्यक्षपदी सुरज प्रल्हाद चोरगे यांची नियुक्ती करण्यात आली आहे.(Yavat News)
पुणे जिल्हाध्यक्ष प्रशांत वांढेकर यांच्याहस्ते सुरज चोरगे यांना नियुक्तीपत्र
पुणे येथे झालेल्या एका कार्यक्रमात अखिल भारतीय मराठा महासंघाचे राष्ट्रीय उपाध्यक्ष संतोष नानवटे यांच्या प्रमुख उपस्थितीत व पुणे जिल्हाध्यक्ष प्रशांत वांढेकर यांच्याहस्ते सुरज चोरगे यांना नुकतेच नियुक्तीपत्रक देण्यात आले. यावेळी प्रदेश उपाध्यक्ष अजय पाटील, पश्चिम महाराष्ट्र संपर्क प्रमुख संजय पासलकर, पश्चिम महाराष्ट्र प्रसिद्ध प्रमुख गोरख कामठे, जिल्हा युवक अध्यक्ष मयूर सोळसकर आदी मान्यवर उपस्थित होते.
दरम्यान, सुरज चोरगे हे गेल्या १० वर्षापासून दौंड तालुका स्तरावर काम करत असून यवत परिसरात सामाजिक कार्यात नेहमीच अग्रेसर असतात. त्यांनी अनेक माध्यमातून गोर-गरीब जनतेसाठी व मराठा समाजासाठी प्रश्नांसाठी कायमच झटत असतात. त्यांच्या या कार्याचा आलेख पाहून त्यांची पदोन्नती करण्यात आली असून अखिल भारतीय मराठा महासंघाच्या पुणे जिल्हा युवक कार्याध्यक्षपदी त्यांची नियुक्ती करण्यात आली आहे.
यावेळी पुणे शहर अध्यक्षा आरती मारणे,पुणे शहर अध्यक्ष प्रा. वैभव शिळीमकर, सुप्रसिद्ध लेखक उद्धवजी कोळपे,दौंड तालुका शेतकरी मराठा महासंघ अध्यक्ष विशाल राजवडे यांसह बहुसंख्य मराठा महासंघाचे पदाधिकारी उपस्थित होते.
यावेळी बोलताना नवनिर्वाचित कार्याध्यक्ष सुरज चोरगे म्हणाले कि, मराठा समाजाच्या उद्धारासाठी सतत कार्यरत राहून, गोरगरीब,अन्यायग्रस्त जनतेची मदत करण्यासाठी नेहमीच प्रयत्नशील राहणार आहे. मराठा समाजाच्या हितासाठी संघटनात्मक बांधणी करून संघटनेच्या वाढीसाठी प्रयत्न करणार आहे.
