Breaking News, यवत : पुणे-सोलापूर राष्ट्रीय महामार्गावरील यवत (ता. दौंड) (Breaking News) येथे रस्ता ओलांडत असलेल्या एका पादचाऱ्याला दुचाकीने धडक दिल्याची धक्कादायक घटना आज मंगळवारी (ता.२०) रात्री सव्वादहा वाजण्याच्या सुमारास घडली आहे. (Breaking News) या अपघातात एक ठार तर दोन गंभीर जखमी झाल्याची माहिती समोर येत आहे. (Breaking News)
विवेक बारवकर आणि प्रज्वल शेळके (दोघेही रा. केडगाव, ता. दौंड) अशी जखमी झालेल्यांची नावे आहेत.
अपघातात पादचारी जागीच ठार
मिळालेल्या माहितीनुसार, पुण्याकडून सोलापूरच्या दिशेकडे जाणाऱ्या दुचाकीने रस्ता ओलांडत असलेल्या पादचाऱ्याला जोरदार ठोकर मारली. या अपघातात पादचाऱ्याचा जागीच मृत्यू झाला आहे. मृत व्यक्तीची ओळख अद्याप पटली नाही.
दरम्यान, या अपघातात दुचाकी वरील विवेक बारवकर आणि प्रज्वल शेळके हे गंभीर जखमी झाले आहेत. जखमींमधील विवेक बारवकर याच्यावर यवत येथील खाजगी हॉस्पिटलमध्ये उपचार चालू आहे. तर प्रज्वल शेळके याच्यावर लोणी काळभोर येथील एका बड्या रुग्णालयात उपचारासाठी दाखल करण्यात आले आहे.
