संतोष गायकवाड
Wagholi News : वाघोली, (पुणे) : पुणे महापालिका वाघोलीतील पाणी, रस्ता व इतर मुलभूत प्रश्नांसाठी ठोस उपाययोजना करीत नसल्याने टीम वाको (टीम वाघोली अगेन्स्ट करप्शन) व वाघोलीतील नागरिकांच्यावतीने महापालिकेच्या शिवाजीनगर येथील मुख्य कार्यालयासमोर महापालिका व पीएमआरडीएच्या विरोधात जन आंदोलन करण्यात येत आहे.
वाघोलीचा महापालिकेत समावेश होऊन २ वर्षाचा कालावधी झाला असतानाही पाणी, रस्ता व इतर मुलभूत सुविधांसाठी महापालिकेने ठोस कार्यवाही केली नसल्याची खंत वाघोलीतील नागरिकांकडून व्यक्त होत आहे.
दरम्यान, टीम वाको व वाघोलीतील नागरिकांकडून वाघोली महापालिका कार्यालासमोर आंदोलन करूनही महापालिका ठोस उपाययोजना करीत नसल्याने मुख्य इमारतीसमोर आंदोलन करण्याचा निर्णय घेण्यात आला असून २० जुलै रोजी नागरिकांकडून बेमुदत आंदोलन करण्यात येत आहे. Wagholi News
