Viral Video : पुणे : तुम्ही कधी ना कधी विमानाने प्रवास केला असलेच. जेव्हा तुम्ही विमानात चढता तेव्हा पाहिलं असेल की, एअर होस्टेस प्रवाशांच्या स्वागतासाठी गेटजवळ उभी असते. एअर होस्टेस प्रत्येक प्रवाशाला हाय, हॅलो, गुडमॉर्निंग असं म्हणत स्वागत करते आणि प्रवासासाठी शुभेच्छा देते. पण सोशल मीडियावर एक व्हिडीओ व्हायरल होत आहे; ज्यात एक लहान मुलगा हाय म्हणत स्वागत करणाऱ्या त्या एअर होस्टेसवर अडवतो. आणि तिला हरे कृष्ण म्हण असं सांगतो.
This is so beautiful ❤️
The value of teaching Sanskars at the right age .. ???? pic.twitter.com/GEo6myeaD3
— HasnaZarooriHai???????? (@HasnaZaruriHai) November 21, 2023
सोशल मीडियावर हा व्हिडीओ जोरदार व्हायरल होत आहे. व्हायरल होत असलेल्या या व्हिडीओत तुम्ही पाहू शकता की, एक एअर होस्टेस सर्वांचे स्वागत करण्यासाठी उभी आहे, जिथे एकामोगोमाग प्रवासी येत असतात, आणि पुढे जातात. त्याचवेळी एक लहान मुलगा तिच्या समोर येतो. जो समोर उभ्या असलेल्या लोकांना पुढे चालायला सांगतो. एअर होस्टेस हात जोडून मुलाला हाय म्हणत असते. तेव्हा तो तिला थांबवतो. यानंतर मुलगा एअर होस्टेसला म्हणतो की, हाय, हॅलो नाही, हरे कृष्ण म्हणा.हे सर्व संभाषण हिंदीत होत असेत. त्यानंतर एअर होस्टेस हसून हरे कृष्ण म्हणत मुलाचे स्वागत करते. त्यानंतर विमानात पुढे जातो. त्यावेळी त्याला इतर प्रवाशी मुलाकडे पाहून हसत हरे कृष्ण म्हणतात.
हा व्हिडीओ @HasnaZaruriHai या एक्स अकाउंटवर शेअर करण्यात आला आहे. ज्याच्या कॅप्शनमध्ये लिहिले की, हे खूप सुंदर आहे. योग्य वयात योग्य संस्कार शिकवल्याचा हा परिणाम आहे. व्हिडीओ पाहिल्यानंतर युजर्स कमेंटमध्ये ‘हरे कृष्ण’ लिहीत आहेत. तर काहींना मुलाचे वागणे खूप आवडले आहे.
