वडगावशेरी : वडगावशेरी मतदारसंघात काँग्रेसचे मतदार अधिक आहेत. लोकसभा निवडणुकीच्या वेळी काँग्रेसला अधिक मतदान झाले असून, या मतदारसंघात सांगली पॅटर्न राबवावा, अशी मागणी काँग्रेस शहर जिल्हाध्यक्ष अरविंद शिंदे यांच्याकडे काँग्रेसच्या बैठकीत कार्यकर्त्यांनी केली. काँग्रेस पदाधिकाऱ्यांनी आगामी विधानसभा निवडणुकीबाबत चर्चा केली.
या बैठकीत विधानसभा निवडणुकीपूर्वी काँग्रेस पक्षाच्या धोरणात्मक डावपेचांवर प्रकाश टाकण्यात आला. येरवडा ब्लॉक अध्यक्ष रमेश सकट, वडगावशेरी ब्लॉक अध्यक्ष राजू ठोंबरे यांच्या नेतृत्वाखाली पार पडली. या वेळी शिक्षण मंडळ माजी अध्यक्ष अरुण वाघमारे, प्रदेश चिटणीस राजेंद्र शिरसाठ, माजी नगरसेवक सुनील मलके, जॉन पॉल, अश्विनी लांडगे, संतोष आरडे, समीर शेख, राकेश चौरे, डॅनियल लांडगे, अॅड. भिवसेन रोकडे, विशाल मलके, शंकर राठोड पदाधिकारी उपस्थित होते.
