Uruli Kanchan News : उरुळी कांचन : लोणी काळभोर, उरुळी कांचन (ता. हवेली) व सहजपुर (ता. दौंड) येथील गावठी हातभट्टी दारू निर्मिती केंद्रावर राज्य उत्पादन शुल्काच्या भरारी पथकाने शुक्रवारी (ता.२६) आणि शनिवारी (ता.२७) छापा टाकले. या छाप्यात पोलिसांनी तब्बल पावणे ४ लाखाचा मुद्देमाल जप्त केला आहे. (State excise raids on Gavathi liquor manufacturing centers at Loni Kalbhor, Uruli Kanchan and Sahajpur)
७ जणांवर गुन्हा दाखल, पावणे ४ लाखाचा मुद्देमाल जप्त
अवैधपणे गावठी हातभट्टी दारुची निर्मिती करणारा भट्टी मालक, कामगार, जागामालक तसेच गावठी दारुची वाहतुक करणाऱ्या अशा ७ जणांवर महाराष्ट्र दारूबंदी कायदा १९४९ अन्वये गुन्हा दाखल करण्यात आला आहे. (Uruli Kanchan News)
दरम्यान, या छाप्यात पथकाने दारू तयार करण्यासाठी लागणारे ८४०० लिटर कच्चे रसायन व ८०५ लिटर गावठी हातभट्टी दारु, निर्मिती साहित्य व एक तीन चाकी रिक्षा वाहन असा एकुण ३ लाख ६२ हजार २०० रुपयांचा मुद्देमाल जप्त केला आहे. (Uruli Kanchan News)
ही कारवाई पुणे राज्य उत्पादन शुल्क क्र २ पथकाचे निरीक्षक तानाजी शिंदे, दुय्यम निरीक्षक आर. डी. भोसले, बी. बी. नेवसे, जवान सर्वश्री किशन पावडे, गणेश वाव्हळे, कल्लेश्वर मुस्तापुरे व वाहनचालक अभिजित सिसोलेकर यांच्या पथकाने केली. (Uruli Kanchan News)
अधिक बातम्या वाचण्यासाठी येथे क्लिक करा :
