Uruli Kanchan News | उरुळी कांचन, (पुणे) : जीवनात कधी हताश, उदास, निराश न होता समोर चालत राहणे हा आयुष्याचा नियम आहे. आणि जो या नियमांचं पालन करत आयुष्य जगतो त्याला जीवनात कमी प्रमाणात समस्यांचा सामना करावा लागतो. याची प्रचीती हिंगणगाव (हवेली) (Uruli Kanchan) येथील किरण देविदास पोपळघट यांच्या यशातुन दिसून येते.
६७ रँक मिळवून या यशाला गवसणी…
महाराष्ट्र लोकसेवा आयोगाच्या (एमपीएससी) वतीने २०२१ साली घेण्यात आलेल्या परीक्षेचा नुकताच निकाल नुकताच जाहीर झाला. या परीक्षेतून पोलीस उपअधीक्षक पदाला किरण पोपळघट यांनी ६७ रँक मिळवून या यशाला गवसणी घातली आहे. स्पर्धा परीक्षेचा अभ्यास करत असताना, स्वतःची स्पर्धा स्वतःशीच करत.
आई-वडिलांनी दिलेल्या पाठिंब्यामुळे त्यांचा विश्वास सार्थकी लावत. योग्य व काटेकोरपणे नियोजन करत. स्पर्धा परीक्षेला सामोरे जात पोलीस उपअधीक्षक पदाला गवसणी घातली आहे. परिस्थिती नसताना त्याने यशाचे शिखर गाठून ग्रामीण भागातील विद्यार्थ्यांसमोर एक आदर्श निर्माण केला आहे. या यशाबद्दल त्याचे सर्वत्र कौतुक होत आहे. त्याच्या यशातून अनेकांना प्रेरणा मिळाली आहे.
किरणचे वडील देविदास पोपळघट हे एक शेतकरी आहेत. तर त्यांची आई शशिकला एक गृहिणी आहेत. किरणचा भाऊ रणजीत हा शिक्रापूर येथील वेस्ट इंडिया फोजिंग लिमिटेड या कंपनीत उपव्यवस्थापक म्हणून काम करीत आहे. तर त्यांचा दुसरा भाऊ सुनील हा हडपसर – रामटेकडी येथील एसआरपीएफ येथे कार्यरत आहेत. या यशासाठी किरणला आई शशिकला, वडील दोन भाऊ व पुणे येथील अकॅडमीचे शिक्षक प्रा. मनोहर बोळे व प्रा. रंजन कोळंबे यांचे मार्गदर्शन मिळाले.
किरणचे प्राथमिक शिक्षण हिंगणगाव येथील जिल्हा परिषद प्राथमिक शाळेत तर माध्यमिक शिक्षण अष्टापूर येथील न्यू इंग्लिश मीडियम स्कूलमधून सन २००८ साली पूर्ण केले. त्यानंतर त्याने कोथरूड येथील महाराष्ट्र ऑफ टेक्निकल इन्स्टिट्यूट अर्थात एमआयटीतून (MIT)डिप्लोमा इन मेकॅनिकल इंजिनिअरिंग (यांत्रिकी अभियंता) तर पुढे बॅचलर ऑफ इंजीनियरिंगचीची पदवी यांत्रिकी अभियंता (Mechanical Engineering) यामधून २०१४ साली पूर्ण केली.
घरची आर्थिक परिस्थिती हलाखीची असल्याने किरण याने चतुर्श्रुंगी येथील विद्यार्थी सहाय्यक समिती वस्तीगृहात राहत होता. तसेच त्याने विद्यापीठाच्या कमवा व शिका या योजनेतून उदरनिर्वाह करून शिक्षण पूर्ण केले आहे. शिक्षण पूर्ण झाल्यावर त्याने तळेगाव दाभाडे येथे जेसीबी इंडिया लिमिटेड या कंपनीमध्ये सन २०१४ ते २०१६ या कालावधीत काम केले. पण लहानपणी मोठे होऊन अधिकारी होण्याचे स्वप्न त्याला झोपू देत नव्हते. त्यामुळे किरणने नोकरीला रामराम ठोकला आणि स्पर्धा परीक्षेचा अभ्यास सुरु केला.
दरम्यान, सन २०१७, २०१८, २०१९ व २०२० साली घेण्यात आलेल्या चारही वर्षी परीक्षा पास झाला. पण किरण गुणवत्ता यादीत बसला नाही. परंतु, किरणने खचून न जाता पुन्हा अभ्यासाची जोरदार तयारी सुरु ठेवली. २०२१ साली घेण्यात आलेल्या परीक्षेत चांगल्या गुणांनी पास झाला असून त्याची पोलिस उपअधीक्षक पदावर निवड झाली आहे. आणि तो लवकरच महाराष्ट्र पोलीस अकॅडमीत प्रशिक्षणासाठी जाणार आहे.
याबाबत पुणे प्राईम न्यूजशी बोलताना किरण पोपळघट म्हणाले, “मला चार वेळेस यश मिळवून हि गुणवत्ता यादीत नंबर आला नाही. मात्र हताश व निराश न होता अभ्यास सुरूच ठेवला. स्पर्धा परीक्षेची तयारी करणाऱ्या विद्यार्थ्यांनी अपयश आले तर खचून जावू नये, पुन्हा प्रयत्न करीत राहावे. परीक्षेमध्ये आलेल्या अपयशाला मेहनत व अभ्यासाची जोड दिल्यास यशाचे शिखर नक्कीच गाठता येते.
अधिक बातम्या वाचण्यासाठी येथे क्लिक करा…
अधिकाऱ्याबद्दल अर्वाच्च भाषेत शिवीगाळ अंगलट; पोलीस कर्मचाऱ्याचे तडकाफडकी निलंबन
