पुणे : पुण्यातील हडपसर भागात असलेल्या कालव्यात दोन मृतदेह सापडले आहेत. वैदुवाडी भागातील रहिवाशांनी कालव्यात दोन मृतदेह तरंगत असल्याचे सोमवारी रात्री पाहिले होते. तेथील स्थानिक नागरिकांनी या घटनेची माहिती हडपसर पोलिसांना दिली आहे. त्यानुसार हडपसर पोलीस ठाण्याचे पथक घटनास्थळी दाखल झाले असून कालव्यात वाहून आलेल्या मृतदेहाची ओळख अध्याप पटलेली नाही. या घटनेंत परिसारत खळबळ उडाली आहे.
दरम्यान, अग्निशामक दलाचे जवानही घटनास्थळी दाखल झाले असून जवानांनी दोन्ही मृतदेह पाण्याबाहेर काढले आहेत. वैद्यकीय तपासणीसाठी दोन्ही मृतदेह ससून रुग्णालयात पाठवण्यात आले असून दोघांची नेमकी ओळख पटलेली नाही. शहरातून बेपत्ता असलेल्या व्यक्तींच्या नोंदीवरून पोलिसांनी तपास सुरू केला आहे. हडपसर पोलीस याप्रकरणी अधिक तपास करत आहेत.
