अक्षय टेमगिरे
रांजणगाव गणपती : तळेगाव-न्हावरा रस्त्यावरील अपघाताचे सत्र थांबता थांबेना. तळेगाव ढमढेरेकडून येत असलेला अवजड ट्रक घाट चढत असताना विरुद्ध बाजूने भरधाव वेगाने आलेल्या कारला घासला. याच कारणावरून अज्ञात कारचालकाने ट्रक चालकाकडे कारची नुकसान भरपाई मागितली.
ट्रक चालकाची चूक नसल्यामुळे चालकाने पैसे देण्यास नकार दिला. यामुळे संतप्त झालेल्या कार चालकाने व त्याच्या इतर 15 जणांच्या टोळक्याकडून ट्रकचालकाला बेदम मारहाण करत ट्रकच्या सर्व काचा दगडाने फोडून ट्रकचे मोठ्या प्रमाणात नुकसान केले. या सर्व प्रकारानंतर टोळक्याने घटनास्थळावरून पलायन केले.
दरम्यान, या सर्व प्रकारामुळे वाहन चालक भयभीत झाले असून, या अज्ञात कारचालकावर पोलिसांकडून कारवाई होणार का? याकडे सर्व वाहनचालकांचे लक्ष लागले आहे.
