उरुळी कांचन, (पुणे) : उरुळी कांचन जवळील शिंदवणे घाटात वाळूने भरलेला डंपर पलटी झाल्याची घटना घडली आहे. या अपघातात तीन जण जखमी झाले आहेत. गुरुवारी रात्री सव्वा दहा वाजण्याच्या सुमारास हा अपघात झाला आहे.
मिळलेल्या माहितीनुसार, सासवड परिसरातून उरुळी कांचनकडे हा डंपर निघाला होता. या डंपरमध्ये चालकासह तिघेजण होते. वळणावर चालकाला अंदाज न आल्याने हा अपघात झाल्याचे त्या ठिकाणी उपस्थित असलेल्या नागरिकांनी सांगितले.
