लोणी काळभोर : पुणे-सोलापूर राष्ट्रीय महामार्गाच्या सेवा रस्त्यावरून जाताना दुचाकीला जाण्यासाठी जागा न दिल्याने एका टोळक्याने तीन जणांना शिवीगाळ करून बेदम मारहाण केल्याची धक्कादायक घटना घडली आहे. ही घटना कदमवाकवस्ती (ता.हवेली) ग्रामपंचायत हद्दीतील लोणी स्टेशन चौकात आज बुधवारी (ता.२९) रात्री आठ वाजण्याच्या सुमारास घडली आहे.
मिळालेल्या माहितीनुसार, गोरक्षक दलाचे तिघेजण पुणे-सोलापूर महामार्गाच्या सेवा रस्त्यावरून हडपसरच्या दिशेने चारचाकी गाडीतून निघाले होते. तेव्हा त्यांना वाकवस्ती येथील एकाची दुचाकी आडवी आली. यावेळी दुचाकीला साईड देण्याच्या वादातून वाक वस्ती येथील सात ते दहा जणांच्या टोळक्याने चारचाकीमध्ये असणाऱ्या तिघांना बेदम मारहाण केली. तसेच त्यांची गाडीही फोडल्याची माहिती मिळत आहे.
View this post on Instagram
दरम्यान, यावेळी पुणे- सोलापूर महामार्गावर प्रचंड वाहतूक कोंडी झाली होती. तर बघ्यांनी मोठ्या प्रमाणात गर्दी केली होती. आता या प्रकरणी पोलीस प्रशासन काय कारवाई करणार? याकडे नागरिकांचे लक्ष लागले आहे
