शिक्रापूर : सणसवाडीतील एका कंपनीच्या आवारातून दोघा चोरट्यांनी तब्बल आठ लाखांच्या लोखंडी प्लेटा चोरून नेल्याची घटना घडली असताना पोलिसांनी सुरक्षारक्षकासह दोघा चोरट्यांना आणि भंगार दुकानदाराला अटक केली. पोलिसांनी सुरक्षारक्षक सुरेश माधव लाटे (वय ३३ रा. वाडेगाव फाटा, कोरेगाव भीमा), मोजम निजाम बेग (वय ३८ रा. कोरेगाव भीमा ता. शिरुर) व भंगार दुकानदार उबेद बरकत खान (वय २४ रा. ताडीवाला रोड, पुणे स्टेशन) या तिघांना अटक केली.
सणसवाडी येथील ट्रेनटर इंडिया प्रायव्हेट लिमिटेड कंपनीमध्ये मोकळ्या जागेत कंपनीसाठी लागणाऱ्या शंभरहून अधिक लोखंडी प्लेटा ठेवलेल्या होत्या. कंपनीतील कामगार त्या प्लेटा आणण्यासाठी गेले असता त्यांना प्लेटा दिसून न आल्याने सीसीटीव्ही तपासले असता त्यांना तोंडाला रुमाल बांधलेल्या दोघांनी तब्बल आठ लाख रुपये किमतीच्या लोखंडी प्लेटा लांबवल्याचे दिसून आले. याबाबत प्रसाद प्रकाशराव चवणे यांनी शिक्रापूर पोलीस स्टेशन येथे फिर्याद दिली.
