पुणे : पुण्यातुन चोरीची घटना घडल्याची बातमी समोर आली आहे. पुण्यातील चितळे बंधूंच्या दुकानावर दरोडा पडला आहे. औंध बाणेर रोडवरील दुकान फोडण्यात आले असून चोरट्यांकडून डल्ला मारण्यात आला आहे. या सर्व प्रकार सीसीटीव्हीमध्ये कैद झाला आहे. सदर घटनेमुळे परिसरात एकच खळबळ उडाली आहे.
मिळालेल्या अधिक माहितीनुसार, या घटनेची माहिती मिळताच पुणे पोलिसांनी तात्काळ घटनास्थळी धाव घेतली. तसेच पुढील तपासाला सुरूवात केली आहे. चोरट्यांनी मोठ्या प्रमाणात रक्कम चोरल्याची प्राथमिक समोर आली आहे. पुणे पोलिसांकडून चोरट्यांचा शोध सुरू आहे.
या घटनेचा सीसीटीव्ही व्हिडिओ देखील समोर आला आहे. या व्हिडीओमध्ये दिसत आहे की, अंधाराचा फायदा घेत चोरट्यांनी दुकानात प्रवेश केला आहे. दुकानात आल्यावर त्यांनी थेट जाऊन गल्ला फोडला. यामध्ये असलेली सर्व रक्कम घेऊन चोरटे पसार झाले आहेत. पुण्यामध्ये घरफोडी तसेच दुकानांवर डल्ला मारणे यासह सायबर चोरट्यांचे प्रमाण वाढले आहे. या घटनेबाबत पोलीस अधिक तपास करत आहेत.
