अक्षय भोरडे
Talegaon Dhamdhere News : तळेगाव ढमढेरे : शिक्रापूर (ता. शिरुर) येथील मलठण फाटा परिसरात हातात कोयता घेऊन दुचाकीवरून दहशत माजवणऱ्या व्यक्तीच्या शिक्रापूर पोलिसांनी मुसक्या आवळल्या. सुनील चंद्रभान हाळणोर असे पोलिसांनी गुन्हा दाखल करत जेरबंद केलेल्या व्यक्तीचे नाव आहे.
दुचाकी व कोयता जप्त
शिक्रापूर (ता. शिरुर) पोलीस स्टेशनचे हवालदार अमोल चव्हाण, पोलीस शिपाई जयराज देवकर, निखील रावडे, प्रतिक जगताप, किशोर शिवणकर हे दुपारच्या सुमारास मलठण फाटा परिसरात गस्त घालत असताना त्यांना दुचाकीवरून (क्र. एम एच १७ ए बी ९९३७) एक इसम हातात कोयता घेऊन नागरिकांना पाहून हवेत कोयता फिरवत असताना दिसून आला. (Talegaon Dhamdhere News) दरम्यान, पोलीस आल्याची चाहूल लागताच ही व्यक्ती पळून जाऊ लागली. मात्र, पोलिसांनी त्याला जागेवर पकडून, त्याच्याजवळील कोयता ताब्यात घेत, दुचाकी व कोयता जप्त केला. याबाबत पोलीस शिपाई जयराज वसंत देवकर (रा. शिक्रापूर, ता. शिरुर, जि. पुणे) यांनी शिक्रापूर पोलीस स्टेशन येथे फिर्याद दिली.
या फीर्यादीवरून शिक्रापूर पोलिसांनी सुनील चंद्रभान हाळणोर (वय ३७, रा. शिक्रापूर, ता. शिरुर, जि. पुणे, मूळ रा. साईनाथ नगर, नेवासा बुद्रुक, ता. नेवासा, जि. नगर) याच्याविरुद्ध गुन्हा दाखल केला. (Talegaon Dhamdhere News) पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार बापू हडागळे हे करत आहेत.
अधिक बातम्या वाचण्यासाठी येथे क्लिक करा :
Talegaon Dhamdhere News : साहित्यिक प्रा. कुंडलिक कदम यांना वाचनयात्री पुरस्कार जाहीर
Pune News : आयईटीईच्या गव्हर्निंग कौन्सिलच्या सदस्यपदी डॉ. रवींद्र खराडकर यांची निवड.
