Pune Prime News : माझी मुख्यमंत्री उद्धव ठाकरे गटाच्या नेत्या सुषमा अंधारे या कोणत्याना कोणत्या कारणावरून सतत चर्चेत असतात. त्यातच आज त्यांनी एक्स या सोशल मीडिया प्लॅटफॉर्मवरून एक प्रतिक्रिया देत शिवसेना शिंदे गटावर जोरदार हल्ला चढवला आहे. त्या म्हणाल्या, दिवाळी पहाटनिमित्त आम्ही पंडीत बिस्मिल्ला साहेबांची सनई, पंडीत भीमसेन जोशी यांची भक्तीगीते किंवा पद्मजा फेणानी यांचा गोड गळा हे सगळं ऐकून होतो. आज ठाण्यामध्ये उजाडलेली दिवाळी पहाट ही वंदनीय बाळासाहेब ठाकरे यांनाच काय, अवघ्या महाराष्ट्रालाही अपेक्षित नसेल.” अशी प्रतिक्रया सुषमा अंधारे यांनी दिली आहे.
मुख्यमंत्री एकनाथ शिंदे यांच्या ठाण्यात दिवाळी पहाटच्या कार्यक्रमानिमित्त प्रसिद्ध नृत्यांगना गौतमी पाटीलच्या कार्यक्रमाचे आयोजन करण्यात आलं होत. या कार्यक्रमाचे आयोजन शिवसेनेच्या नेत्या मीनाक्षी शिंदे यांनी केलं होत. याच कार्यक्रमावरून ठाकरे गटाच्या नेत्या सुषमा अंधारे यांनी शिंदे गटावर हल्लाबोल केला आहे. यावेळी सुषमा अंधारेंनी शिंदे गटाला शिवसेना प्रमुख बाळासाहेब ठाकरे यांची आठवण करून दिली.
गौतमीने मुख्यमंत्र्याचा फोटो शेअर करत “लवकरच ठाण्यात” असं लिहिलं होतं
एकनाथ शिंदे यांच्या ठाण्यात तलाव पाळी येथे दिवाळी पहाटच्या निमित्ताने गौतमी पाटीलचा कार्यक्रम ठेवण्यात आला होता. या कार्यक्रमाबाबत स्वतः गौतमी पाटीलने एक स्टोरी शेअर करत माहिती दिली होती. तिने ठेवलेल्या स्टोरीतील पोस्टरमध्ये मुख्यमंत्री एकनाथ शिंदे यांचा आणि ठाण्याच्या माजी महापौर मीनाक्षी शिंदे यांचाही फोटो ठेवला होता. दरम्यान, गौतमीचा कार्यक्रम लक्ष्मी पूजनाच्या (१२ नोव्हेंबर) दिवशी झाला.आता “लवकरच ठाण्यात” असं गौतमी पाटीलच्या स्टोरीतील पोस्टमध्ये लिहिलं होतं.
