लोणी काळभोर, (पुणे) : पुणे – सोलापूर राष्ट्रीय महामार्गावर कदमवाकवस्ती ग्रामपंचायत हद्दीतील लोणीस स्टेशन परिसरात पाच वाहनांचा विचित्र अपघात रविवारी (ता. 26) दुपारी दीड वाजण्याच्या सुमारास झाला आहे. या अपघातात कोणतीही जीवितहानी झाली नसली तरी चार गाड्यांचे मोठ्या प्रमाणात नुकसान झाले. असून एका आयशर टेम्पोचे किरकोळ नुकसान झाले आहे.
दोन चारचाकी, व एक आयशर टेम्पो, एक छोटा हत्ती टेम्पो, व एक महिंद्रा पिकअप या वाहनांचा विचित्र अपघात झाला आहे.
मिळालेल्या माहितीनुसार, पुणे – सोलापूर राष्ट्रीय महामार्गावरून उरुळी कांचनच्या दिशेने हि पाचही वाहने निघाली होती. यावेळी एक टेम्पो दुभाजकावरून वळत असताना पाठीमागून आलेल्या आयशर हा उजव्या बाजूला वळाला त्यामुळे पाठीमागून आलेल्या अल्टो या चारचाकीने टेम्पोला जोरदार धडक दिली. तसेच अल्टोच्या पाठीमागे असलेल्या एका पिकअप या टेम्पोने पाठीमागून अल्टोला जोरदार धडक दिली. यामुळे अल्टो हि दोन्ही बाजूंनी चेंबली गेली.
दरम्यान, हि घटना कशी घडली याबाबत अद्याप माहिती मिळाली नसून उरुळी कांचनकडे जाणारी वाहतूक मात्र मोठ्या प्रमाणात खोळंबळी असून बघ्यांनी मोठी गर्दी केली आहे. घटनास्थळी लोणी काळभोर वाहतूक शाखेचे पोलीस वाहतूक कोंडी दूर करीत असून बघ्यांनी मोठ्या प्रमाणात गर्दी केली आहे.
सविस्तर वृत्त थोड्याच वेळात
