Shirur News : पुणे : शिरुर पंचायत समिती व शिरूर तालुका मुख्याध्यापक संघाच्या वतीने देण्यात येणारा गुणवंत शिक्षक पुरस्कार निमगाव म्हाळुंगी (ता. शिरुर) येथील विद्या विकास मंदिर विद्यालयाचे प्रा. संजय काशिनाथ देशमुख यांना देऊन गौरविण्यात आले. परिसरातून त्यांचे अभिनंदन केले जात आहे.
शिक्षक आमदार जयंत आसगावकर यांच्या हस्ते गौरव
निमगाव म्हाळुंगी (ता. शिरुर) येथील विद्या विकास मंदिर विद्यालयाचे शिक्षक प्रा. देशमुख यांनी शालेय विद्यार्थ्यांना ज्ञानदानाचे पवित्र काम करत, विद्यार्थ्यांचा शैक्षणिक विकास केला आहे. विद्यार्थ्यांसाठी त्यांनी विविध उपक्रम राबवले आहेत.(Shirur News ) त्यांच्या कार्याची दखल घेत त्यांना शिरुर पंचायत समिती शिक्षण विभाग व शिरूर तालुका शाळा मुख्याध्यापक संघाच्या वतीने देण्यात येणारा गुणवंत शिक्षक पुरस्कार पुणे विभागाचे शिक्षक आमदार जयंत आसगावकर यांच्या हस्ते देऊन गौरविण्यात आले.
याप्रसंगी शिरूरच्या नायब तहसीलदार स्नेहा गिरीगोसावी, माजी आमदार सूर्यकांत पलांडे, शिक्षण विस्तार अधिकारी बाळकृष्ण कळमकर, युवा उद्योजक राहुल करपे, पुणे जिल्हा मुख्याध्यापक संघाचे अध्यक्ष नंदकुमार सागर, शिरूर तालुका मुख्याध्यापक संघाचे अध्यक्ष तुकाराम बेनके,(Shirur News ) कार्याध्यक्ष रामदास थिटे, सचिव मारुती कदम, उपाध्यक्ष अनिल शिंदे, विद्या विकास मंदिरचे प्राचार्य संजीव मांढरे, पर्यवेक्षक बाळासाहेब कुलट तसेच पुरस्कारार्थी उपस्थित होते.
कार्यक्रमाचे सूत्रसंचालन प्रकाश चव्हाण यांनी केले. प्रास्तविक मारुती कदम यांनी केले. तुकाराम बेनके यांनी स्वागत केले. रामनाथ इथापे यांनी उपस्थितांचे आभार मानले. (Shirur News ) प्रा. संजय देशमुख यांना पुरस्कार प्रदान करण्यात आल्याने त्यांचे शिरुर तालुक्यातून कौतुक होत आहे.
अधिक बातम्या वाचण्यासाठी येथे क्लिक करा :
Shirur News : कोरेगाव भीमात बिबट्याने केलेल्या हल्ल्यात शेतकरी गंभीर जखमी
