अमिन मुलाणी
Shirur News : सविंदणे : शिरूर तालुक्यातील पश्चिमेस असणाऱ्या सविंदणे गावात भव्य नवरात्र उत्सवानिमित्त महिलांच्या सन्मानासाठी अनिता संतोष मिंडे यांच्या सौजन्याने व श्रीराम आळी मित्र मंडळ, सविंदणे गावठाण यांच्या सहकार्यातून महिलांसाठी खेळ पैठणीचा अर्थात होम मिनिस्टर या कार्यक्रमाचे आयोजन करण्यात आले होते.
कार्यक्रमात बहुसंख्य स्त्रियांचा सहभाग
हा कार्यक्रम शनिवार (ता.२१) रात्री दहा वाजण्याच्या सुमारास पार पडला. यावेळी सन्मानीत महिलांसाठी ३ मानाच्या पैठण्या ठेवण्यात आल्या होत्या. (Shirur News) या कार्यक्रमाला बहुसंख्य स्त्रियांनी सहभाग दर्शविला. आयोजकांच्या वतीने एक ते अकरा क्रमांकामध्ये इंडक्शन शेगडी, मिक्सर, टेबल फॅन, गॅस शेगडी, प्रेशर कुकर, डिनर सेट, इस्त्री, बाऊल सेट, वॉटर हिटर, इडली कुकर, ग्लास सेट या लकी ड्रॉ बक्षिसांचा समावेश होता.
दरम्यान, वहिनीसाहेब अर्थात होम मिनिस्टर प्रथम क्रमांक अश्विनी हनुमंत लंघे, द्वितीय क्रमांक अश्विनी दिनेश झेंडे, तृतीय क्रमांक सोनाली ज्ञानेश्वर पडवळ यांनी पटकावला. (Shirur News) या कार्यक्रमाचे निवेदन सचिन शिंदे यांनी केले.
अधिक बातम्या वाचण्यासाठी येथे क्लिक करा :
Shirur News : कासारी येथे नवरात्री निमित्त ‘खेळ रंगला पैठणीचा’
Shirur News : सविंदणे येथील दोन विद्युत रोहीत्रांवर चोरटयांनी मारला डल्ला.
