साहेबराव लोखंडे
Shirur News : टाकळी हाजी : भाविकांसाठी पर्व स्व स्वरूप सांप्रदाय पुणे जिल्हा भक्तसेवा मंडळ आयोजित अनंत श्री विभूषित जगद्गुरु रामानंदाचार्य श्री स्वामी नरेंद्राचार्यजी महाराज पादुका दर्शन सोहळा कार्यक्रम शिक्रापूर (ता.शिरूर) येथे मंगळवारी (ता.०३ ऑक्टोबर ) संपन्न होणार आहे. स्व – स्वरूप संप्रदाय बरोबरच जिल्ह्यातील हजारो भाविकांसाठी ही एक पर्वणी ठरणार आहे.
हजारो भाविकांसाठी ठरणार पर्वणी
सध्याच्या धावपळीच्या युगात माणूस यंत्रवत बनत चालला आहे. विज्ञानामुळे भौतीक सुखांची मांदियाळी त्याच्या पायाशी लोळण घेत आहे. एका अर्थाने माणसाची प्रगतीच होत आहे. (Shirur News) हे जरी खरे असले तरी सुखाच्या हिरवळीवर लोळण घेणारा माणूस अंतःकरणातून मात्र कधी कधी हताश, निराश झालेला आढळतो. कारण आहे मनःशांतीचा अभाव, आत्मिक सुखाचा अभाव, भौतिक सुखे कितीही असली तरी आत्मिक समाधान हे काही वेगळेच असते.
दरम्यान, आत्मिक समाधानाशिवाय जीवाला पूर्ण समाधान मिळत नाही. यासाठी सांप्रत काळात गुरुमार्गाने जावून आत्मोन्नती साधता येते. ज्यांना ही उच्च कोटीची पर्वणी साधायची नसेल त्यांनी गुरूमार्गाने आत्मिक सुख, मनःशांती मिळवायला काय हरकत आहे. (Shirur News) भाविकांनी उपासने बरोबरच या आध्यात्मिक शांतीचा अनुभव घ्यावा, याकरता पादुका दर्शन सोहळा कार्यक्रम आयोजित करण्यात आला आहे. त्यासाठी सर्वांनी या पर्वणीचा लाभ घ्यावा असे आवाहन प्रसिध्दी प्रमुख राहुल संकपाळ यांनी केले आहे.
कार्यक्रमाची रूपरेषा
सकाळी ९ वाजता जगद्गुरु श्रीच्या सिद्ध पादुकांची भव्य मिरवणूक, संत पिठावर आगमन , सामाजिक उपक्रम अंतर्गत निराधार महिलांना २५ शिलाई मशीन वाटप करण्यात येणार आहे. गुरुपूजन , आरती , प्रवचन , उपासक दीक्षा , दर्शन व पुष्पवृष्टी तसेच भाविकांसाठी महाप्रसादचे आयोजन असा एक दिवसाचा जगद्गुरु श्रींचा पादुका दर्शन सोहळा कार्यक्रम होणार आहे.
अधिक बातम्या वाचण्यासाठी येथे क्लिक करा :
Shirur News : दारू पिणाऱ्या १७५ वाहन चालकांना दंड ; कारवाई आणखी तीव्र होणार
Shirur News : कवठे येमाई येथील पिरसाहेब गणेश मित्र मंडळाने स्वच्छतेचा संदेश देत बाप्पाला दिला निरोप
