शुभम वाकचौरे
जांबूत, (पुणे) : आमदाबाद (ता. शिरुर) गावच्या सरपंचपदी सोनाली रेवनाथ थोरात यांची बिनविरोध निवड करण्यात आली. त्याच्या निवडीने परीसरातून त्यांचे अभिनंदन केले जात आहे.
आमदाबादच्या सरपंच लिलाबाई जयसिंग पवार यांनी राजीनामा दिल्यानंतर, रिक्त झालेल्या सरपंचपदासाठी निवडणूक जाहीर झाली होती. या पदासाठी सोनाली रेवणानाथ थोरात यांचा एकमेव अर्ज आल्याने निवडणूक निर्णय अधिकारी मंडळ अधिकारी श्रीमती एम. व्ही. बागले यांनी निवडणूक बिनविरोध झाल्याची जाहीर केले.
माजी आमदार पोपटराव गावडे म्हणाले की, सर्वांना विश्वासात घेऊन आमदाबाद गावच्या विकासासाठी सरपंच यांनी प्रयत्न करावेत, त्यांना निधीची कमतरता पडू दिली जाणार नाही. या वेळी ग्रामस्थांनी गुलालाची उधळण करीत जल्लोष केला. यावेळी माजी आमदार पोपटराव गावडे यांच्या हस्ते नवनिर्वाचित सरपंच सोनाली थोरात यांचा सत्कार करण्यात आला.
यावेळी बाजार समितीचे माजी सभापती शशिकांत दसगुडे, पंचायत समितीचे माजी सदस्य डॉ. सुभाष पोकळे, माजी सरपंच योगेश थोरात, माजी सरपंच सविता माशेरे, माजी सरपंच पोपट घुले, अण्णापुरचे सरपंच किरण झंजाड, माजी चेअरमन अशोक माशेरे, उद्योजक रामभाऊ गायकवाड, चेअरमन आबा जाधव, उपसरपंच प्रदीप साळवे, माजी उपसरपंच कांताराम नरहे, ग्रामपंचायत सदस्य अनिता घुले, स्नेहल भोरात, राजेंद्र शिंदे, साहेबराव बर्डे, उद्योजक राजाराम फलके, तंटामुक्तीचे अध्यक्ष भाऊसाहेब जाधव, दीपक थोरात, माजी सरपंच आण्णा नरहे, प्रशांत पवार ग्रामसेवक एस. वाय. हंगे उपस्थित होते.
दरम्यान, गावच्या विकास कामात अग्रेसर राहून कामे करण्यात येईल. सर्व सामान्य व विद्यार्थ्यांच्या शिक्षणासाठी विशेष काम करणार असल्याचे सोनाली थोरात यांनी सांगितले.
