अक्षय भोरडे
Shirur News : तळेगाव ढमढेरे : तळेगाव ढमढेरे (ता. शिरूर) येथील समाज भूषण स्व. संभाजीराव भुजबळ माध्यमिक व उच्च माध्यमिक विद्यालयातील उपक्रमशील शिक्षक आदेश गारगोटे यांना पंचायत समिती शिरूर व शिरूर तालुका मुख्याध्यापक संघ यांच्या वतीने देण्यात येणारा आदर्श शिक्षक पुरस्कार तसेच जयश्री भुजबळ-कापरे यांना गुणवंत शिक्षिका पुरस्कार प्रदान करण्यात आला.
शिक्षक आमदार जयंत आजगावकर यांच्या हस्ते पुरस्कार प्रदान
पंचायत समिती शिरूर व शिरूर तालुका मुख्याध्यापक संघ यांच्या वतीने दरवर्षी शिक्षण क्षेत्रात उल्लेखनीय कामगिरी बजावणाऱ्या, शिष्यवृत्ती परीक्षेत योगदान देणाऱ्या, समाजकार्यात सहभागी होणाऱ्या तसेच शालेय विद्यार्थ्यांसाठी विविध उपक्रम राबवणाऱ्या तंत्रस्नेही शिक्षकांचा सन्मान केला जातो. (Shirur News) या पुरस्कार सोहळ्याप्रसंगी पुणे विभागाचे शिक्षक आमदार जयंत आजगावकर यांच्या हस्ते आदेश गारगोटे व जयश्री भुजबळ (कापरे) यांना पुरस्कार देऊन गौरविण्यात आले.
याप्रसंगी शिरूरच्या नायब तहसीलदार स्नेहा गिरीगोसावी, आमदार सूर्यकांत पलांडे, उद्योजक राहुल करपे, मुख्याध्यापक संघाचे अध्यक्ष तुकाराम बेनके, सचिव मारुती कदम, पुणे जिल्हा मुख्याध्यापक संघाचे अध्यक्ष नंदकुमार सागर, प्रा. संजीव मांढरे, प्रा. एन. बी. मुल्ला,(Shirur News) किरण झुरंगे, भुजबळ विद्यालयाचे मुख्याध्यापक बाळासाहेब चव्हाण आदी मान्यवर उपस्थित होते.आदेश गारगोटे व जयश्री भुजबळ (कापरे) यांना पुरस्कार मिळाल्यानंतर शिरूर तालुक्यातून त्यांच्यावर शुभेच्छांचा वर्षाव होत आहे.
अधिक बातम्या वाचण्यासाठी येथे क्लिक करा :
Shirur News : कुकडी व घोड कालवा सल्लागार समितीच्या सदस्यपदी प्रकाश वायसे
