अक्षय भोरडे
Shikrapur News : तळेगाव ढमढेरे : पुणे जिल्हा परिषद व जिल्हा क्रीडा अधिकारी यांनी आयोजित केलेल्या तालुकास्तरीय मैदानी व सांघिक स्पर्धा नुकत्याच पार पडल्या. या स्पर्धेत शिक्रापूर येथील विद्याधाम प्रशालेच्या खेळाडूंनी मैदानी व सांघिक स्पर्धेत सहभाग घेत तब्बल बारा सन्मानचिन्हे मिळवून उत्तम यश संपादन केले, अशी माहिती प्रशालेचे प्राचार्य सोनबापू गद्रे व उपप्राचार्य सुनील थोरात यांनी दिली.
शिक्षक, पालक आणि शालेय समितीने केले अभिनंदन
प्रशालेतील विद्यार्थ्यांपैकी थाळी फेक स्पर्धेत गौरी भुजबळ हिने प्रथम क्रमांक पटकावला, तर लांब उडी स्पर्धेत वैष्णवी चाफे व रागिनी घुमे यांनी द्वितीय क्रमांक पटकावला. रिले स्पर्धेत सिद्धी महाजन, मेहेक पठाण, स्वाती कल्याणकर, शितल मुरकुटे यांनी द्वितीय क्रमांक व तीन हजार मीटर धावणे स्पर्धेत रामेश्वर सोनवणे यांनी द्वितीय क्रमांक पटकावला. बुद्धिबळ स्पर्धेत वेदांत ऐवळे याने प्रथम क्रमांक मिळवला (Shikrapur News) तसेच तालुकास्तरीय कबड्डी स्पर्धेत १४ वर्षे वयोगटातील मुलांनी द्वितीय क्रमांक आणि १९ वर्षे वयोगटात मुले व मुलींच्या संघाने खो-खो स्पर्धेत द्वितीय क्रमांक मिळवला. प्रशालेच्या दहा खेळाडूंची जिल्हास्तरीय स्पर्धेसाठी निवड झाली आहे.
सर्व विद्यार्थ्यांना क्रीडा शिक्षक सुनील दिवटे, सुनील माने, नानासाहेब गावडे, भाग्यश्री दिवटे, दीपक गोलांडे, अर्चना यादव, वंदना ओहळ, शरद घोडे, सोनाली काळे यांनी मार्गदर्शन केले. (Shikrapur News) सर्व यशस्वी विद्यार्थी व मार्गदर्शक शिक्षकांचे प्रशालेचे प्राचार्य सोनबापू गद्रे, उपप्राचार्य सुनील थोरात, पर्यवेक्षक संजय शेळके, शाळा व्यवस्थापन समितीचे अध्यक्ष मंगेश शेंडे, पालक-शिक्षक समितीचे उपाध्यक्ष गणेश चव्हाण, शिरूर शिक्षण प्रसारक मंडळाचे अध्यक्ष अनिल बोरा, शाळा समितीचे अध्यक्ष प्रकाश बोरा व संस्थेचे सचिव नंदकुमार निकम यांनी अभिनंदन केले.
अधिक बातम्या वाचण्यासाठी येथे क्लिक करा :
Shikrapur News : शिक्रापूर येथील वेळ नदीवरील बंधाऱ्यातून ग्रामपंचायतच्या मोटारीची चोरी
Shikrapur News : पंजाबमधील राष्ट्रीय ॲबॅकस स्पर्धेत शिक्रापूरच्या दहा विद्यार्थ्यांचे घवघवीत यश
