दीपक खिलारे
इंदापूर : तेजपृथ्वी ग्रूपच्या इंदापूर तालुका कार्याध्यक्षपदी ओंकार पेंडवळे यांची निवड झाली. ग्रुपच्या संस्थापक अध्यक्षा अनिता नानासाहेब खरात यांनी त्यांना निवडीचे पत्र दिले.
निवडीनंतर बोलताना ओंकार पेंडावळे म्हणाले की, तेजपृथ्वी ग्रुपच्या अध्यक्षा अनिता खरात यांनी ग्रुपच्या माध्यमातून समाजातील गोर-गरीब, शेतकरी, विद्यार्थी, युवकांसाठी केलेले कार्य उल्लेखनीय आहे. त्यांचे हे कार्य डोळ्यांसमोर ठेवून मी समाजातील सर्व घटकांच्या अडी-अडचणी सोडविण्यासाठी, वंचित घटकांच्या मागण्यांना न्याय देण्यासाठी सदैव तत्पर राहणार असल्याचे ओंकार पेंडावळे यांनी सांगितले.
या वेळी गणेश शिंगाडे, सद्दाम बागवान,आबासाहेब देवकर, कैलास शिंदे, रणजित निंबाळकर, पृथ्वीराज गायकवाड, बापू उंबरे आदींसह पदाधिकारी उपस्थित होते.
