नसरापूर : डॉ. बाबासाहेब आंबेडकर तंत्रशास्त्र विद्यापीठ लोणेरे, रायगड अंतर्गत तळेगाव दाभाडे येथील इंद्रायणी विद्या मंदिर संस्थेचे कृष्णराव भेगाडे इन्स्टिट्यूट ऑफ फार्मास्युटिकल एज्युकेशन अँड रिसर्च सेंटर येथे नुकत्याच झालेल्या विभागीय ‘आविष्कार २०२४’ स्पर्धेत प्युअर सायन्सेस या वर्ग श्रेणीत नवसह्याद्री शिक्षण संस्थेच्या औषनिर्माणशास्त्र महाविद्यालयाची विद्यार्थिनी मयुरी बापू चव्हाण हिने कांस्यपदक मिळविले.
मयुरी चव्हाण ही औषनिर्माणशास्त्र पदव्युत्तर पदवीच्या फार्माकोलॉजी या शाखेची द्वितीय वर्षाची विद्यार्थिनी आहे. तिच्या स्टेम सेल्स प्रकल्पावरील नाविन्यपूर्ण विचारांना कांस्यपदक देऊन गौरविण्यात आले.
या प्रकल्पासाठी मयुरीला फार्माकोलॉजीचे प्राध्यापक डॉ. अजय काळे, प्राचार्य डॉ. किशोर ओतारी यांचे विशेष मार्गदर्शन लाभले. या स्पर्धेत महाविद्यालयाच्या दहा विद्यार्थ्यांनी वेगवेगळ्या श्रेणीमध्ये सहभाग घेतला होता. यशस्वी विद्यार्थ्यांचे संस्थेचे अध्यक्ष पोपटराव सुके, समूह संचालक सागर सुके, उपाध्यक्षा सायली सुके, विद्यार्थी, शिक्षक व शिक्षकेतर कर्मचाऱ्यांनी अभिनंदन केले आहे.
