लोणी काळभोर (पुणे) : नबीरा महाविद्यालय काटोल, नागपूर येथे २९ व ३० नोव्हेंबर रोजी झालेल्या १९ वर्षे वयोगटातील खो-खो निवड चाचणीमध्ये पृथ्वीराज कपूर मेमोरियल हायस्कूल व ज्युनियर कॉलेजचा विद्यार्थी चेतन गंगाराम बिका याची महाराष्ट्र राज्याच्या संघामध्ये निवड झाली.
या निवड चाचणीसाठी कोल्हापूर, पुणे, मुंबई, नाशिक, नागपूर व अमरावती या सहा विभागातील ऐकूण ३६ खेळाडू पात्र ठरले होते. या खेळाडूंमधून पाच खेळाडूंची राष्ट्रीय स्पर्धेसाठी निवड करण्यात आली. उर्वरित ७ खेळाडूंची राज्यस्तरीय प्रथम, द्वितीय व तृतीय क्रमांकाच्या संघातून निवड करण्यात आली. निवड करण्यात आलेला महाराष्ट्र राज्याचा संघ ८ ते १७ डिसेंबर रोजी नाशिक येथे होणाऱ्या राष्ट्रीय स्पर्धेसाठी रवाना होईल.
या खेळाडूंना विवेकानंद शिक्षण संस्थेचे कार्याध्यक्ष अभयकुमार साळुंखे, शैक्षणिक संकुलाच्या स्थानिक सल्लागार समितीचे अध्यक्ष सुभाष आप्पा काळभोर, कार्याध्यक्ष राहुलआप्पा काळभोर, लोणी काळभोरचे सरपंच योगेशनाना काळभोर, उपसरपंच प्रियांका काळभोर, कदमवाकवस्तीचे सरपंच चित्तरंजन गायकवाड व उपसरपंच नासिर खान पठाण, विद्यालयाचे प्राचार्य सीताराम गवळी, पर्यवेक्षिका रेखा पाटील, पर्यवेक्षक विलास शिंदे, ज्युनियर कॉलेजचे कचरे त्याचबरोबर विद्यालयाचे क्रीडा शिक्षक सुरेश कोरे व राजेश चौरे, सुनील टिळेकर त्याचबरोबर संघाला मार्गदर्शन करणारे वरिष्ठ खेळाडू व सर्व शिक्षक बंधू-भगिनींनी सर्व खेळाडूंचे अभिनंदन केले.
