पुणे : पुण्यातून एक धक्कादायक घटना समोर येत आहे. सेवानिवृत्त पोलीस अधिकाऱ्याच्या १५ वर्षीय अल्पवयीन नातीचा वारंवार पाठलाग करत तिच्यावर बलात्कार करण्यात आल्याची खळबळजनक घटना समोर आली आहे. ही घटना भारती विद्यापीठ परिसरात १७ ऑक्टोबर ते १७ नोव्हेंबर २०२३ या कालावधीमध्ये घडली आहे.
स्वप्निल शिरीष तवर (रा. कात्रज) असे आरोपीचे नाव आहे. याप्रकरणी सेवानिवृत्त पोलीस निरीक्षकांनी भारती विद्यापीठ पोलीस ठाण्यात फिर्याद दिली असून आरोपी विरोधात गुन्हा दाखल करण्यात आला आहे. (Pune Crime News)
पोलिसांनी दिलेल्या अधिक माहितीनुसार, आरोपी स्वप्निल तवर याने पोलीस अधिकाऱ्याच्या पंधरा वर्षीय अल्पवयीन नातीचा क्लासमध्ये जात असताना वारंवार पाठलाग करून ‘तू मला खूप आवडतेस’ असे वारंवार म्हटले. सोसायटीच्या पार्किंगमधून तिला जबरदस्तीने टेरेसवर नेत तिला मिठी मारून तिचे वारंवार चुंबन घेतले.
तसेच तिला इन्स्टाग्रामवर मेसेज करून त्रास देण्यात आला. पीडित मुलीने त्याला मला मेसेज करू नको असे वारंवार म्हटल्यानंतर देखील त्याने तिला त्रास देणे सुरूच ठेवले. (Retired Police Inspector)
तसेच आरोपीने तिला घरी बोलावून घेत स्वतःच्या बेडरूममध्ये घेऊन गेला. जबरदस्तीने दिला कपडे काढायला लावून तिच्यावर बलात्कार केला. तिच्यासोबत अनैसर्गिक कृत्य केले. या संदर्भात कोणाला काही सांगितल्यास जीवे ठार मारण्याची देखील धमकी त्याने दिल्याचे फिर्यादीमध्ये म्हटले आहे. पुढील तपास भारती विद्यापीठ पोलीस करत आहेत. (Rape case)
