लोणी काळभोर : लोणी काळभोर (ता. हवेली) येथील रामा कृषी रसायन कामगार युनियनच्या अध्यक्षपदी राजीव बाळासाहेब काळभोर यांची तर उपाध्यक्षपदी आकाश किरण गरगडे व दत्तात्रय भगवान वारघडे यांनी निवड झाली आहे.
लोणी काळभोर (ता. हवेली) येथील रामा कृषी रसायन कामगार युनियनची 2024 ते 2027 अशी त्रैवार्षिक निवडणूक श्रीमंत अमरनाथ कामगार परिवर्तन विकास आघाडी व श्री चिंतामणी कामगार विकास आघाडी यांच्यात झाली. या 10 जागांसाठीच्या निवडणुकीत श्रीमंत अमरनाथ आघाडीचे सुर्यफुल हे चिन्ह निवडणूक चिन्ह होते. तर श्री चिंतामणी आघाडीचे निवडणूक चिन्ह कपबशी होते.
त्रैवार्षिक निवडणूक प्रक्रियेचा कामगारांनी शनिवारी (ता.14) मतदान करून आपला हक्क बजाविला. या निवडणुकीत श्रीमंत अमरनाथ कामगार परिवर्तन विकास आघाडीने 7 जागा जिंकून बाजी मारली तर श्री चिंतामणी कामगार विकास आघाडीला केवळ 3 जागेवर समाधान मानावे लागले. रामा कृषी रसायन कामगार युनियनच्या अध्यक्षपदी राजीव काळभोर यांची निवड करण्यात आली आहे.
रामा कृषी रसायन कामगारचे सर्व विजयी उमेदवार पुढील प्रमाणे…
राजू बाळासाहेब काळभोर (अध्यक्ष – श्रीमंत अमरनाथ आघाडी), आकाश किरण गरगडे (उपाध्यक्ष – श्रीमंत अमरनाथ आघाडी), दत्तात्रय भगवान वारघडे (उपाध्यक्ष, श्री चिंतामणी आघाडी) ,दत्तात्रय एकनाथ सुक्रे (श्री चिंतामणी आघाडी), विशाल ज्ञानेश्वर पंडित (श्री चिंतामणी आघाडी), दत्तात्रेय बलभीम काळे (श्रीमंत अमरनाथ आघाडी), गजानन गुलाब जाधव (श्रीमंत अमरनाथ आघाडी), साहेबराव गुलाब कोळपे (श्रीमंत अमरनाथ आघाडी), महादेव रामचंद्र शेंडगे (श्रीमंत अमरनाथ आघाडी) , संदीप न्यानोबा मुळीक (श्रीमंत अमरनाथ आघाडी)
