पुणे : पुणे लोणावळा मार्गावर मळवली ते कामशेत दरम्यान कामाच्या निमित्ताने ब्लॉक घेण्यात येणार आहे. त्यामुळे २२ व २३ डिसेंबर रोजी अनेक गाड्या रद्द करण्यात आल्या आहेत. तर, काही गाड्या उशीराने धावणार आहे. त्यामध्ये २३ डिसेंबर रोजी पुणे लोणावळा दरम्यान लोकलच्या अनेक फेऱ्या रद्द होणार आहेत.
रेल्वेकडून मळवली ते कामशेत दरम्यान विविध कामे केली जाणार आहेत. त्यामुळे हा ब्लॉक घेण्यात आला आहे. त्यामुळे २२ डिसेंबर रोजीची पुणे भुसावळ गाडी रद्द करण्यात आली आहे. तसेच, २३ डिसेंबर रोजी पुणे भुसावळ, मुंबई कोल्हापूर कोयना एक्सप्रेस, पुणे लोणावळा लोकलच्या सकाळी ११ वाजून १७ मिनिट, दुपारी तीन वाजता, चार वाजून २५ मिनिटांनी सुटणाऱ्या फेऱ्या रद्द राहतील. तसेच, पुणे-तळेगाळ, लोणावळा पुणे, तळेगाव पुणे या लोकल गाड्या रद्द राहणार आहेत.
दरम्यान, २३ डिसेंबर रोजी दुरांतो एक्सप्रेस ही गाडी सकाळी ११ वाजून १० मिनिटांऐवजी सायंकाळी चार वाजून ४५ मिनिटांनी सुटेल. तर, दौंड एक्सप्रेस एक तास उशीराने, दुपारी तीन वाजता रवाना होईल. तसेच, चेन्नइ-लोकमान्य टिळक टर्मिनल गाडीला उशीर होईल. तर, २४ डिसेंबर रोजी भुसावळ पुणे एक्सप्रेस रद्द राहणार आहे, अशी माहिती रेल्वे प्रशासनाकडून देण्यात आली.
