शिक्रापूर (पुणे) : शिक्रापूर (ता. शिरूर) पोलीस स्टेशन हद्दीमध्ये वेगवेगळ्या ठिकाणी होणाऱ्या अवैध दारूविक्रीवर शिक्रापूर पोलिसांच्या पथकाने छापे टाकत कारवाई केली. या प्रकरणी श्वेता धोनी राजपूत, कमलेश देवीलाल नट, पांडुरंग जनार्दन कडू, सुरेश गणपत कांगुने, किसन मारुती वाघमारे व शिनी बासाकृती बास या दारु विक्रेत्यांवर गुन्हे दाखल केले आहेत.
सणसवाडी, करंदी, धामारी, तळेगाव ढमढेरे व वढू बुद्रुक येथे अवैध दारूविक्री सुरू असल्याची माहिती पोलीस निरीक्षक दीपरतन गायकवाड यांना मिळाली, त्यानंतर पोलिसांनी सदर ठिकाणी छापे टाकत दारूसाठा जप्त करत त्यांच्या विरुद्ध गुन्हे दाखल केले. पुढील तपास पोलीस निरीक्षक दीपरतन गायकवाड यांच्या मार्गदर्शनाखाली पोलीस करत आहेत.
