शिक्रापूर : गुनाट येथील शेतकऱ्याने शेतातील पिकांना पाणी देण्यासाठी बसवलेला विद्युत मोटार संच अज्ञात चोरट्यांनी चोरून नेला. गुनाट येथील भिवसेन कोळपे यांनी त्यांच्या शेतातील विहिरीवर शेतातील पिकांना पाणी देण्यासाठी विद्युत मोटार संच बसवला. दोन दिवसांनी भिवसेन हे शेतात गेल्यावर मोटार संच दिसला नाही.
त्यावेळी विद्युत मोटार, केबल, स्टार्टर संच चोरीला गेल्याचे निदर्शनास आले. याबाबत भिवसेन बाळासाहेब कोळपे (३९ रा. गुनाट ता. शिरुर जि. पुणे) यांनी शिरुर पोलीस स्टेशन येथे फिर्याद दिली. पोलिसांनी अज्ञात चोरट्याविरुद्ध गुन्हा दाखल केला आहे. पुढील तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार विनोद मोरे हे करत आहे.
