पुणे- पुणे पोलिसांनी 21 वर्षीय LGBTQ+ व्यक्तीला ब्लॅकमेल आणि छळ केल्याच्या आरोपाखाली सहा जणांना अटक केली आहे. तरुणाने छळाला कंटाळून 24 फेब्रुवारी रोजी मेट्रो स्टेशनवरून उडी मारून आपले जीवन संपवले होते. या घटने प्रकरणी 19 ते 22 वयोगटातील आरोपींना रविवारी अटक करण्यात आली आणि त्यांच्यावर भारतीय दंड संहितेच्या (IPC) विविध कलमांखाली गुन्हा दाखल करण्यात आला आहे. पोलिसांच्या म्हणण्यानुसार, पीडितेने LGBTQ+ समुदायासाठी लोकप्रिय डेटिंग अॅप ग्राइंडर अॅप डाउनलोड केले होते आणि त्यातील एका आरोपीशी चॅटिंग करायला सुरुवात केली. त्यानंतर आरोपींनी पीडितेला पिंपरी येथील एका फ्लॅटमध्ये नेले, जिथे त्यांनी त्याला ब्लॅकमेल केले आणि त्याला कपडे काढून अश्लील व्हिडिओ रेकॉर्ड करण्यास भाग पाडले.
पोलिस आयुक्त सचिन हिरे म्हणाले, “पिडीत शहरातील एका महाविद्यालयात बीएससी अभ्यासक्रमाच्या शेवटच्या वर्षात होता. काही मित्रांच्या सूचनेवरून त्याने ग्राइंडर अॅप डाउनलोड केला आणि LGBTQ+ समुदायातील लोकांशी संपर्क साधत होता.
त्यानंतर आरोपींनी पीडितेला 50,000 रुपये दिले नाहीत तर व्हिडिओ सोशल मीडियावर शेअर करण्याची धमकी दिली. पीडितेने 35,500 रुपये दिले होते, परंतु आरोपींनी त्याला त्रास देणे सुरूच ठेवले आणि अधिक पैसे मागितले. आरोपींच्या छळाला कंटाळून तरुणाने आत्महत्या केली. दरम्यान, पीडितेच्या कुटुंबाने पिंपरी पोलिस ठाण्यात तक्रार दाखल केल्यानंतर पोलिसांनी तपास सुरू केला आणि सहा आरोपींना अटक केली.
पिंपरी पोलिस ठाण्यातील वरिष्ठ निरीक्षक अशोक कडलक आणि त्यांच्या पथकाने आरोपीच्या कौटुंबिक पार्श्वभूमीचा आणि त्याच्या कॉलेजमधील मित्रांचा शोध घेतला आणि त्याचा मोबाईल फोन आणि लॅपटॉप तपासला. या तपासात काही व्यक्तींकडून ब्लॅकमेल केल्याचे पुरावे उघड झाले.
सामान्य भाषेत, समलैंगिकांना LGBT म्हणजे लेस्बियन, गे, बायसेक्शुअल आणि ट्रान्सलिंग असे म्हणतात. समलिंगी व्यक्तींबद्दल लैंगिक आकर्षणाला समलैंगिकता म्हणतात. इतर अनेक श्रेण्या जोडून, त्याला Queer समुदाय असे नाव देण्यात आले आहे. त्यामुळे याला एकत्रितपणे LGBTQ+ म्हंटले जाते.
