बीड : बीड जिल्ह्यातील सरपंच संतोष देशमुख यांच्या हत्येनंतर बीड जिल्ह्यात गुन्हेगारीच्या घटनांचे प्रमाण दिवसेंदिवस वाढत चालले आहे. अशातच आता ग्राहकांची भांडण सोडवण मालकाला महागात पडल असून यामध्ये हॉटेल मालकाचा मृत्यू झाला असल्याची माहिती समोर आली आहे. बीडच्या माजलगावमध्ये ही घटना घडली आहे. याप्रकरणी आरोपीवर गुन्हा दाखल करण्यात आला आहे.
याबाबत मिळालेल्या माहितीनुसार, महादेव गायकवाड असे ढाबा चालवणाऱ्या मालकाचे नाव आहे. रविवारी संध्याकाळी काही तरुण जेवायला ढाब्यावर आले होते. जेवण झाल्यानंतर आरोपींनी बाहेरून दारू आणली आणि ते पित बसले होते. दरम्यान दारू पिताना त्यांच्यात भांडण झाली. ही भांडण सोडण्यासाठी गेलेल्या हॉटेल मालकाला त्या तरुणांनी मारहाण केली. या मारहाणीत हॉटेल मालक महादेव गायकवाड गंभीर जखमी झाले.त्यानंतर त्यांना उपचारासाठी रुग्णालयात दाखल करण्यात आले मात्र उपचारादरम्यान त्यांचा मृत्यू झाला.
या प्रकरणी पोलिसांनी मारहाण करणाऱ्या तरूणांविरोधात गुन्हा दाखल केला आहे.रोहित थावरेसहा सहा आरोपी फरार आहेत . माजलगाव ग्रामीण पोलिसांकडून आरोपींचा शोध सुरू आहे. याप्रकरणातील आरोपींना लवकरात लवकर अटक करण्याची मागणी नातेवाईकांनी केली आहे.
