Pune News : पुणे : इंस्टाग्रामवर ओळख वाढवून, तरुणीचा विश्वास संपादन केला. त्यानंतर तिला क्लिनिकमध्ये बोलावून, बकार्डी नावाची रम पाजली. गुंगी आल्यावर तिच्यावर बलात्कार केल्याचा धक्कादायक प्रकार नुकताच पुण्यातील नारायण पेठ परिसरात घडला आहे. याप्रकरणी एका डॉक्टरांविरुद्ध गुन्हा दाखल करण्यात आला आहे.
नारायण पेठ परिसरात घडला प्रकार
मिळालेल्या माहितीनुसार, डॉ. शुभंकर महापूरे (वय २६, रा. विजया अलंकार सोसायटी, तळजाई पठार, धनकवडी) असे गुन्हा दाखल झालेल्या डॉक्टरचे नाव आहे. (Pune News) याबाबत एका २० वर्षांच्या तरुणीने विश्रामबाग पोलीस ठाण्यात फिर्याद दिली आहे. हा प्रकार नारायण पेठेतील डॉ. महापुरे याच्या क्लिनिकमध्ये शनिवारी रात्री पावणेदहा वाजण्याच्या सुमारास घडला.
पोलिसांनी दिलेल्या माहितीनुसार, फिर्यादी आणि आरोपी यांची इंस्टाग्रामवर ओळख झाली. हळूहळू ओळख वाढत गेली. डॉक्टरने तरुणीचा विश्वास संपादन केला. (Pune News) तिला क्लिनिकमध्ये जेवण करायला रात्रीच्या वेळी बोलावले. तेथे तिला बकार्डी नावाची रम पाजली. त्यामुळे तरुणीला गुंगी आली. याचा गैरफायदा घेऊन त्याने बलात्कार केला.
दरम्यान, हा प्रकार तरुणीच्या लक्षात आल्यावर तिने पोलिसांकडे धाव घेतली. पोलिसांनी संबंधित डॉक्टरविरुद्ध गुन्हा दाखल केला आहे. पुढील तपास पोलीस उपनिरीक्षक साळुंखे करीत आहेत.
अधिक बातम्या वाचण्यासाठी येथे क्लिक करा :
Pune News : शिरूर हवेलीसह जिल्ह्यातील १० मंडल अध्यक्षांची नियुक्ती जाहीर
Pune News : दारूसाठी पैसे देण्यास नकार दिल्याने पत्नीला साडीने आवळला गळा; नराधम पतीवर गुन्हा दाखल
Pune News : गुप्तधनातील सोने-चांदीची नाणी स्वस्तात देण्याचे आमिष; व्यावसायिकाची ३० लाखांची फसवणूक
