Pune News : पुणे : पती वारंवार दारु पिऊन मानसिक त्रास देत होता. प्रसंगी बेदम मारहाण करीत होता. या सततच्या त्रासाला कंटाळून लग्नानंतर अवघ्या तीन महिन्यांतच नवविवाहितेने गळफास घेऊन आत्महत्या केल्याचा धक्कादायक प्रकार समोर आला आहे.
अधिक माहितीनुसार, गौरी चेतन सोनवणे (वय १९, रा. ओटो स्कीम, बिबवेवाडी) असे आत्महत्या केलेल्या नवविवाहितेचे नाव आहे. याप्रकरणी तिचा भाऊ महेश रामभाऊ मोहिते (वय २५, रा. सासवड) यांनी बिबवेवाडी पोलीस ठाण्यात फिर्याद दिली आहे. (Pune News) त्यानुसार पोलिसांनी चेतन संजय सोनवणे (वय २५) आणि प्रगती संजय सोनवणे (वय ४५, रा. बिबवेवाडी) यांच्यावर गुन्हा दाखल केला आहे.
विवाहानंतर अवघ्या तीन महिन्यात त्रासाला कंटाळून केली आत्महत्या
याबाबत पोलिसांनी दिलेल्या माहितीनुसार, चेतन हा डिलिव्हरी बॉय म्हणून काम करतो. गौरी हिचा चेतन सोनवणे याच्याबरोबर २९ मे २०२३ रोजी विवाह झाला होता. लग्नानंतर चेतन दारु पिऊन गौरी हिला मानसिक त्रास देत होता. तिला मारहाण करीत होता. (Pune News) सतत होणाऱ्या त्रासामुळे गौरी त्रासली होती. त्यामुळे अवघ्या तीन महिन्यांतच छळाला कंटाळून गौरी हिने १७ सप्टेंबरला गळफास घेऊन आत्महत्या केली.
या घटनेचा अधिक तपास पोलीस उपनिरीक्षक शिंदे करीत आहेत.
अधिक बातम्या वाचण्यासाठी येथे क्लिक करा :
Pune News : मौजमजेसाठी हडपसर परिसरात दुचाकी चोरी; वाहन चोरी पथकाने आवळल्या मुसक्या
Pune News : पुणे-दौंड दरम्यान लोकल सेवेला हिरवा कंदिल
Pune News : गौतमी पाटीलचे कोल्हापुरातील कार्यक्रम अचानक रद्द; चाहत्यांना धक्का
