Pune News : पुणे : पुण्यात एक धक्कादायक प्रकार उघडकीस आला आहे. रिक्षाचालकाचा निष्काळजीपणा एका तरुणीच्या जीवावर बेतला आहे. रिक्षाचालकाने बेदरकार रिक्षा हाकण्याच्या अट्टाहासापायी स्पीड ब्रेकरवर स्पीड ब्रेक न करता अचानक करकचून ब्रेक दाबला. यामुळे रिक्षाला जोरदार हादरा बसून रिक्षात मागे बसलेली प्रवासी तरुणी रिक्षातून त्याच वेगात बाहेर फेकली गेली. पडल्यामुळे गंभीर दुखापत होऊन तरुणीचा मृत्यू झाला.
सिंहगड रस्त्यावरील घटना
अपघाताची घटना सिंहगड रस्त्यावरील नवशा मारुती मंदिर येथे घडली. या अपघातात नाहक जीव गमवावा लागलेल्या तरुणीचे नाव सपना राम राठोड (वय ३०, रा. जांभुळवाडी रोड) असे आहे. याबाबत मृत तरुणाची आई रंजनाबाई आडे (वय ५०, रा. लिपाणे वस्ती) यांनी पर्वती पोलीस ठाण्यात फिर्याद दिली. (Pune News ) त्यानुसार किरण सुरवसे (वय ३२, रा. कामठे वस्ती) या रिक्षाचालकावर गुन्हा दाखल केला आहे.
याबाबत मिळालेल्या अधिक माहितीनुसार, सपना राठोड या १५ जुलै रोजी रात्री रिक्षातून डेक्कन परिसरात जेवण करण्यासाठी जात होती. त्यावेळी रिक्षाचालक सुरवसे याने नवशा मारूती मंदिर परिसरात स्पीड ब्रेकरवर अचानक ब्रेक दाबला. (Pune News ) त्यामुळे रिक्षातून खाली पडल्यामुळे सपना गंभीररित्या जखमी झाली. उपचारादरम्यान तिचा मृत्यू झाला.
दरम्यान, बेदरकार रिक्षआ चालवून तरुणीच्या मृत्यूस कारणीभूत ठरल्याने पोलिसांनी रिक्षाचालकावर गुन्हा दाखल केला आहे. सहायक पोलीस निरीक्षक पाटील या घटनेचा अधिक तपास करत आहेत.
अधिक बातम्या वाचण्यासाठी येथे क्लिक करा :
Pune News : पुण्यात डेंग्यूचा पहिला बळी! डेंग्यूच्या रुग्णसंख्येमध्ये मोठी वाढ
Pune News : वंशाच्या दिवट्यासाठी जुळ्या मुलींचा वडील व आजी आजोबांकडून खून ; पुण्यातील घटना
