Pune News : पुणे : अजित पवार यांनी सत्ताधारी भाजप-शिवसेनेशी हातमिळवणी केल्यानंतर पक्षात उभी फूट पडली आहे. दोन गटांमधील संघर्ष विकोपाला गेला आहे. अजित पवार यांनी विरोधीपक्ष नेतेपदाचा राजीनामा देत रविवारी उपमुख्यमंत्रिपदाची शपथ घेतली. या सर्व घडामोडींच्या पार्श्वभूमीवर आता राष्ट्रवादीच्या गोटात हालचालींना वेग आला आहे. राष्ट्रवादीचे अध्यक्ष शरद पवार यांनी, आम्ही महाविकास आघाडीसोबतच असणार आहोत, या वाक्याचा पुनरूच्चार केला आहे.
अजित पवार यांनी रविवारी राष्ट्रवादीच्या आठ बड्या नेत्यांसोबत उपमुख्यमंत्रीपदाची शपथ घेतल्यानंतर शरद पवार यांनी मोठी घोषणा केली आहे. (Pune News) आम्ही महाविकास आघाडीसोबतच असल्याचं शरद पवार यांनी म्हटलं आहे.
पुन्हा पक्षबांधणीसाठी जनतेमध्ये जाणार
दरम्यान, अजित पवार यांनी वेगळी चूल मांडल्यानंतर शरद पवार हे पुन्हा एकदा मैदानात उतरले आहेत. पक्षासाठी ही गोष्ट नवीन नाही. पुन्हा पक्षबांधणीसाठी जनतेमध्ये जाऊ, संघर्ष करू, असे म्हणत नव्या जोमाने शरद पवार कामाला लागले आहेत. आम्ही महाविकास आघाडीसोबतच असल्याचं त्यांनी म्हटलं आहे. (Pune News) मी पुन्हा एकदा जनतेमध्ये जाणार असल्याचंही त्यांनी म्हटलं आहे. अजित पवारांच्या शपथविधीनंतर दुसऱ्याच दिवशी कराडला जाऊन यशवंतराव चव्हाण यांच्या समाधीचं दर्शन घेऊन, शरद पवार यांनी श्क्तीप्रदर्शन केले.
अधिक बातम्या वाचण्यासाठी येथे क्लिक करा :
Pune News : बाथरुमचे दार वाजविल्याने शिक्षिकेची मुलाला स्टिलच्या रॉडने मारहा ; पुण्यातील घटना..
Pune News : लग्नाच्या आमिषाने बलात्कार; गुन्हे शाखेतील पोलिसावरच गुन्हा दाखल! पोलीस दलात खळबळ
