Pune News : पुणे : दहावी आणि बारावीच्या विद्यार्थ्यांसाठी एक महत्त्वाची बातमी आहे. राज्य मंडळातर्फे दहावी-बारावीच्या फेब्रुवारी-मार्चमध्ये होणाऱ्या परीक्षांचे संभाव्य वेळापत्रक जाहीर करण्यात आले. बारावीची परीक्षा २१ फेब्रुवारी ते २३ मार्च या कालावधीत, तर दहावीची परीक्षा १ ते २२ मार्च या कालावधीत होणार आहे, अशी माहिती राज्य मंडळाच्या सचिव अनुराधा ओक यांनी प्रसिद्धिपत्रकाद्वारे दिली.
सविस्तर वेळापत्रक संकेतस्थळावर उपलब्ध
परीक्षेचे वेळापत्रक उशीरा जाहीर केल्यास विद्यार्थ्यांवर अभ्यासाचा ताण येतो. विद्यार्थ्यांचा परीक्षेचा ताण कमी करण्यासाठी संभाव्य वेळापत्रक लवकरच जाहीर करण्यात आले आहे. सविस्तर वेळापत्रक विद्यार्थ्यांना http://www.mahasscboard.in या संकेतस्थळावर उपलब्ध करून देण्यात आले आहे. (Pune News) वेळापत्रकाबाबत काही हरकती-सूचना असल्यास त्या १५ दिवसांत विभागीय मंडळ, राज्य मंडळाकडे लेखी स्वरुपात सादर करता येतील.
दरम्यान, मंडळाच्या वेळापत्रकाची सुविधा ही विद्यार्थ्यांच्या माहितीसाठी आहे. परीक्षा प्रचलित पद्धतीनेच होणार आहेत. (Pune News) परीक्षेपूर्वी शाळा, कनिष्ठ महाविद्यालयांकडे देण्यात येणारे छापील वेळापत्रक अंतिम असेल. प्रात्यक्षिक, तोंडी, श्रेणी परीक्षांचे वेळापत्रक स्वतंत्रपणे जाहीर करण्यात येणार असल्याचे स्पष्ट करण्यात आले आहे.
अधिक बातम्या वाचण्यासाठी येथे क्लिक करा :
