Pune News : पुणे : शहराला गणेशोत्सवाची मोठी परंपरा आहे. गणेशोत्सवात साकारलेले मोठमोठे देखावे पाहण्यासाठी शहरासह ग्रामीण भागातील नागरिक शहरात येतात. गणेश विसर्जनाला पाच ते सहा दिवसांचा अवधी असताना देखावे पाहण्यासाठी मोठी गर्दी होते. या दरम्यान नागरिकांची गैरसोय होऊ नये यासाठी गणेशोत्सव काळातील शेवटचे पाच दिवस मेट्रो रात्री १२ वाजेपर्यंत सुरू ठेवण्यात यावी, अशा सूचना संबंधित अधिकाऱ्यांना केल्या आहेत, अशी माहिती उपमुख्यमंत्री अजित पवार यांनी पत्रकार परिषदेत दिली.
शिवाजीनगर येथील पोलीस मुख्यालयात गणेशोत्सव नियोजनाबाबत बैठक
शिवाजीनगर येथील पोलीस मुख्यालयात उपमुख्यमंत्री अजित पवार आणि पालकमंत्री चंद्रकांत पाटील यांच्या अध्यक्षतेखाली गणेशोत्सव २०२३ नियोजनाबाबत बैठक आयोजित करण्यात आली होती. या बैठकीला आमदार माधुरी मिसाळ, महापालिका आयुक्त विक्रम कुमार, पोलीस आयुक्त रितेश कुमार यांच्यासह शहरातील गणेश मंडळांचे पदाधिकारी उपस्थित होते.
या वेळी बोलताना अजित पवार म्हणाले की, गणेश मंडळांच्या पदाधिकाऱ्यांशी बैठकीमध्ये सविस्तर चर्चा झाली. अनेक सूचना आल्या आहेत. (Pune News)त्यावर प्रशासन निश्चित काम करेल आणि गणेश मंडळाच्या कार्यकर्त्यांना कोणताही त्रास होणार नाही याची विशेष काळजी घेतली जाणार आहे.
विसर्जन मिरवणूक दरवर्षी उशीरापर्यंत चालते. त्यामुळे प्रशासनावर ताण येतो. हे लक्षात घेऊन श्रीमंत दगडूशेठ हलवाई गणपती मंडळाने दुपारी चार वाजता विसर्जन मिरवणुकीत सहभागी होण्याचा निर्णय घेतला आहे. (Pune News) त्यांच्या निर्णयाचे आम्ही विशेष स्वागत करतो. यंदाचा गणेशोत्सव आपण सर्वांनी चांगल्या पद्धतीने साजरा करूया.
अधिक बातम्या वाचण्यासाठी येथे क्लिक करा :
Pune News : दहावी-बारावीच्या परीक्षांचे संभाव्य वेळापत्रक जाहीर
