Pune News : पुणे : मुलाला रिक्षा खरेदी करायची होती. त्यासाठी त्याने आईकडे पैशांची मागणी केली. मात्र, आईने पैसे देण्यास नकार दिला. या रागातून मुलाने आईला शिवीगाळ आणि मारहाण करण्यास सुरवात केली. मुलाच्या संतापाचा कडेलोट झाला. अखेर त्याने आईच्या डोक्यात दगड मारला. या आघातामुळे आई गंभीर जखमी झाली आहे. गांधीनगर, पिंपरी येथे हा प्रकार घडला.
गांधीनगर, पिंपरी येथील प्रकार
या बाबत पोलिसांनी दिलेल्या माहितीनुसार, या प्रकरणी विमलबाई खंडागळे यांनी पिंपरी पोलीस ठाण्यात फिर्याद दिली आहे. (Pune News ) या फिर्यादीवरून अतुल सुगंधराव खंडागळे (वय ३०) याच्या विरोधात पोलिसांनी गुन्हा दाखल केला.
फिर्यादी या त्यांच्या भावाला भेटण्यासाठी गांधीनगर येथील कमानी समोर थांबल्या होत्या. या वेळी आरोपी येथे आला व त्याने फिर्यादी यांच्याकडे ऑटो रिक्षा खरेदी करण्यासाठी पैशांची मागणी केली. पैसे देण्यास नकार देताच मुलाला राग अनावर झाला. (Pune News ) मुलाने आईला शिवीगाळ करून धमकी दिली; तसेच डोक्यात दगड मारून जखमी केले.
यावरून पिंपरी पोलिसांनी गुन्हा दाखल केला असून, सहायक फौजदार बाळकृष्ण दळवी तपास करीत आहेत.
अधिक बातम्या वाचण्यासाठी येथे क्लिक करा :
Pune News : पुण्यातील पद्मावती बस स्थानकाजवळ बर्निंग कारचा थरार
Pune News : हर घर तिरंगा! भारतीय क्रिकेटर केदार जाधव यांना पुणे ग्रामीण डाक विभागाने दिला तिरंगा
Pune News : बाणेर रस्ता उद्यापासून ४ दिवस वाहतुकीसाठी बंद; हे आहेत पर्यायी मार्ग
