पुणे : पुण्यातील कोंढवा परिसरात “I Love Mohammad” या पोस्टर्स नंतर आता “इस्लाममध्ये संगीत हराम आहे” अशा आशयाचे पोस्टर्स सार्वजनिक चौकात लावण्यात आले आहेत. या पोस्टर्समुळे सध्या कोंढवा परिसरात खळबळ उडाली असून, तणावाचे वातावरण निर्माण होण्याची शक्यता आहे.
कोंढवा परिसरात मध्यरात्रीपासून एटीएस आणि पुणे पोलिस संयुक्त सर्च ऑपरेशन राबवत आहेत. दहशतवादी हालचालींचा संशय निर्माण झाल्यानंतर पोलिसांनी अत्यंत गुप्तपणे ही मोहीम राबवली. एकीकडे पोलिसांची सुरु असलेली कारवाई आणि दुसरीकडे परिसरात वाद निर्माण होईल असे पोस्टर्स लावण्यात आल्याने काही समाज कंठकांकडून तणाव निर्माण करण्याचा प्रयत्न होत असल्याची चर्चा सुरू आहे. दरम्यान, “I Love Mohammad” आणि “इस्लाममध्ये संगीत हराम आहे” अशा आशयाचे पोस्टर्स कोणाकडून लावण्यात आले याचा तपास सध्या सुरु आहे.
पोलिस आणि एटीएसकडून कोंढवा भागात राबवण्यात येत असलेल्या सर्च ऑपरेशनमध्ये आत्तापर्यंत १८ संशयितांना ताब्यात घेण्यात आले आहे. पोलिसांच्या या कारवाईनंतर या भागात काही इस्लामिक संघटना किंवा संशयास्पद गट सक्रिय आहेत का, असा प्रश्न नागरिकांमध्ये उपस्थित होत असून, भीतीचे वातावरण निर्मण झाले आहे.
दरम्यान, पोलिसांच्या या कारवाईवर अद्याप कोणतेही अधिकृत वक्तव्य समोर आलेले नाही.
