पुणे: दिवाळीच्या पार्श्वभूमीवर शहरातील (Pune News) पोलिस यंत्रणेमध्ये मोठे (Pune Police) फेरबदल करण्यात आले आहेत. पुणे शहरातील 17 वरिष्ठ पोलीस निरीक्षकांच्या बदल्यांचे आदेश पोलिस आयुक्त अमितेश कुमार यांनी जारी केले आहेत. या बदल्यांमुळे शहरातील अनेक पोलीस ठाण्यांमध्ये नवीन नेतृत्व कार्यभार स्वीकारणार आहे.
येरवडा पोलीस ठाण्याचे वरिष्ठ पोलीस निरीक्षक रवींद्र शेळके यांची बदली वाहतूक शाखेत करण्यात आली आहे, तर मुंढवा पोलीस ठाण्याच्या वरिष्ठ निरीक्षक माया देवरे यांची बदली गुन्हे शाखेत झाली आहे. पोलिस नियंत्रण कक्षातील निरीक्षक सुनील पंधरकर यांना आर्थिक गुन्हे शाखेत स्थानांतरित करण्यात आले आहे. विशेष शाखेतील निरीक्षक विजय टिकोळे यांची बदली वाहतूक शाखेत करण्यात आली आहे.
नियंत्रण कक्षातील अजय संकेश्र्वरी यांनाही आर्थिक गुन्हे शाखेत बदली मिळाली असून, निरीक्षक संतोष सोनवणे यांची बदली गुन्हे शाखेत करण्यात आली आहे. विशेष शाखेतील संदिपान पवार यांनाही गुन्हे शाखेत पाठवण्यात आले आहे. नियंत्रण कक्षातील अरुण हजारे यांची बदली आर्थिक गुन्हे शाखेत करण्यात आली आहे, तर नांदेड सिटी पोलीस ठाण्यातील गुरूदत्त मोरे यांना विशेष शाखेत बदली मिळाली आहे.
विश्रांतवाडी पोलीस ठाण्यातील गुन्हे शाखेचे निरीक्षक दत्ताराम बागवे यांची गुन्हे शाखेतच बदली करण्यात आली आहे. गुन्हे शाखेतील निरीक्षक अंजुम बागवान यांना येरवडा पोलीस ठाण्यात वरिष्ठ निरीक्षकपदी नियुक्त करण्यात आले आहे, तर मंगेश हांडे यांना विश्रांतवाडी पोलीस ठाण्याचे वरिष्ठ निरीक्षकपद देण्यात आले आहे.
गुन्हे शाखेतील स्मिता वासनिक यांची बदली मुंढवा पोलीस ठाण्यात वरिष्ठ निरीक्षकपदी करण्यात आली असून, भाऊसाहेब पाटील यांना वानवडी पोलीस ठाण्याचे वरिष्ठ निरीक्षक म्हणून नेमण्यात आले आहे. कुमार घाडगे यांना कोंढवा पोलीस ठाण्यात वरिष्ठ निरीक्षक म्हणून नेमण्यात आले आहे.
आर्थिक गुन्हे शाखेतील प्रदीप कसबे यांची बदली विश्रामबाग पोलीस ठाण्यात करण्यात आली आहे. तसेच, बंडगार्डन पोलीस ठाण्यात तात्पुरत्या स्वरूपात कार्यरत असलेले संतोष पांढरे यांची आता नियमित स्वरूपात नियुक्ती करण्यात आली आहे. या बदल्यांमुळे शहरातील पोलिस यंत्रणेमध्ये नवीन समतोल आणि कार्यक्षमतेचा वेग वाढेल, अशी अपेक्षा व्यक्त करण्यात येत आहे.
