Pune News : पुणे : पूर्वी झालेल्या भांडणाचा राग मनात धरून, हडपसर परिसरात एका तरुणाचा पाच ते सहा जणांच्या टोळक्याने डोक्यात धारदार लोखंडी हत्यारांनी वार करून निघृण खून केला. आमच्यासोबत पंगा घेतला, तर असाच एकेकाचा मुडदा पाडू… अशी धमकी देऊन आरोपींनी परिसरात दहशत माजवली. या प्रकरणी पोलिसांनी सहा जणांना अटक केली आहे. ही घटना रविवारी रात्री १० च्या सुमारास घडली.
सहा जणांच्या टोळक्याला अटक
अधिक माहितीनुसार, स्वप्नील विठ्ठल झोंबर्डे (वय १७, रा. शंकर मठ, मिरेकर वस्ती, हडपसर, पुणे) असे हत्या झालेल्या तरुणाचे नाव आहे. (Pune News) तर सनी रावसाहेब कांबळे (वय २५), अमन साजिद शेख (वय २२), आकाश हनुमंत कांबळे (वय २३), जय शंकर येरवळे (वय १६), तौफिक रज्जाक शेख (वय १६) आणि शाहरुख साजिद शेख (वय १७, सर्व रा. मिरेकर वस्ती, हडपसर, पुणे) अशी अटक आरोपींची नावे आहेत.
पोलीसांनी दिलेल्या माहितीनुसार, मृत तरुणाचे वडील विठ्ठल महादेव झोंबार्डे (वय ४६, रा. शंकर मठ, मिरेकर वस्ती, हडपसर, पुणे) यांनी हडपसर पोलीस ठाण्यात दिलेल्या फिर्यादीवरून पोलिसांनी सहा जणांना अटक केली आहे. स्वप्नील झोंबर्डे याचे आरोपींसोबत भांडण झाले होते. (Pune News) याच भांडणाचा राग मनात ठेवून, आरोपी सनी कांबळे यांच्यासह साथीदारांनी रविवारी रात्री १० वाजण्याच्या सुमारास स्वप्नीलला हडपसर परिसरात गाठले आणी लोखंडी हत्यारांनी स्वप्नीलच्या डोक्यात वार केले. यात हल्ल्यात त्याचा मृत्यू झाला. हत्येनंतर आरोपींनी हत्यारे हवेत फिरवून दहशत माजवली.
या घटनेचा अधिक तपास हडपसर पोलीस करत आहेत.
अधिक बातम्या वाचण्यासाठी येथे क्लिक करा :
Pune News : उसने दिलेले १० हजार परत मागितले; पीएमपीएल चालकाचा मित्रांनीच केला निघृण खून
Pune News : भावाला सत्तूरचा धाक दाखवून, गल्ल्यातील १५ हजार रुपये घेऊन पसार; एकाविरूद्ध गुन्हा दाखल
