Pune News : पुणे : पुण्यामधून अपघाताची एक धक्कादायक घटना समोर आली आहे. सिग्नल ओलांडताना सिमेंटच्या ट्रकने एका महिलेला उडवले. अवजड वाहनाच्या धक्क्यानंतर सर्वांनीच श्वास रोखून धरला… क्षणार्धात ट्र्क पुढे निघून गेला आणि या भीषण अपघातानंतर महिला जागेवर उठून बसली… आणि सर्वांनीच सुटकेचा निश्वास सोडला. ही थरारक घटना सीसीटीव्हीमध्ये कैद झाली आहे.
सिंहगड रोडवरील घटना
सिंहगड रोडवर असणाऱ्या रोहन कृतिका सोसायटीच्या समोर एक सिग्नल आहे. हा सिग्नल ओलांडताना एका सिमेंट ट्रकने महिलेला उडवले. ऐन सिग्नल सुटण्याच्या वेळेस ही महिला झेब्राक्रॉसवरून जात होती. याचवेळी तिच्या दिशेन येणाऱ्या सिमेंट ट्रकने तिला जोरदार धडक दिली. (Pune News) तरीही अपघात झाल्याचे चालकाच्या लक्षात आलं नाही. विशेष म्हणजे एवढ्या भीषण अपघातानंतर देखील ही महिला जागेवर उठून बसल्याचे पहायला मिळालं. देव तारी त्याला कोण मारी, असे म्हटले जाते, हे खरंच असल्याचा प्रत्यय या घटनेच्या निमित्ताने पुन्हा एकदा आला.
अपघातानंतर अपघातस्थळी उपस्थित असलेल्या लोकांनी या महिलेला रस्त्याच्या बाजुला आणले. ठोंबरे असं या महिलेचं आडनाव असल्याची माहिती समोर येत आहे. या अपघातामध्ये ठोंबरे यांच्या पायाला दुखापत झाली आहे. (Pune News) त्यांना स्थानिकांच्या मदतीने दीनानाथ मंगेशकर हॉस्पीटलमध्ये दाखल केले असून, त्यांच्यावर सध्या उपचार सुरू आहेत.
या प्रकरणी दत्तवाडी पोलीस स्टेशनमध्ये गुन्ह्याची नोंद करण्यात आली आहे. अपघाताचा हा प्रकार सीसीटीव्हीत कैद झाला आहे.
अधिक बातम्या वाचण्यासाठी येथे क्लिक करा :
Pune News : पुणेकरांनो सावधान! शहरात डेंग्यूनंतर चिकुनगुन्याचाही शिरकाव; अशी घ्या काळजी!
Pune News : रिक्षा चालकाने दोन साथीदारांसह इंजिनिअरचे दीड लाख लुटले ; कात्रज परिसरातील घटना..
