Pune News : पुणे : पुण्यातील कोलवडी ते थेऊर फाटा दरम्यान भरधाव कंटेनरने सायकलवरून जाणार्‍या ११ वर्षीय मुलाला दिलेल्या धडकेत मुलाचा जागीच मृत्यू झाल्याची घटना घडली. रामा पिंटू पवार (रा. थेऊर) असे मृत्यू झालेल्या मुलाचे नाव आहे. या घटनेमुळे परिसरात हळहळ व्यक्त करण्यात येत आहे.
कंटेनर चालकास अटक
याबाबत पोलिसांनी दिलेल्य अधिक माहितीनुसार, आरोपी सुनीलकुमार तेजबहादूर यादव (मूळ रा. उत्तरप्रदेश) या कंटेनर चालकास याप्रकरणी अटक करण्यात आली आहे. (Pune News ) रामा पवार हा मुलगा मंगळवारी दुपारच्या सुमारास कोलवडी ते थेऊर फाटा रोडवर सायकलवरून जात होता. त्यावेळी कंटेनरने (क्र. एम एच १२ एन एक्स ३६२५) रामा पवारच्या सायकलला जोरदार धडक दिली.
या घडकेत रामा पवार याची सायकल दूरवर फेकली गेली. तसेच त्याच्या डोक्याला जबर मार लागला. या अपघातात त्याचा जागीच दुर्दैवी मृत्यू झाला. (Pune News ) या प्रकरणी कंटेनर चालक सुनीलकुमार तेजबहादूर यादव याला पोलिसांनी अटक केली आहे. या घटनेचा अधिक तपास सुरु असल्याचे लोणी काळभोर पोलिसांनी सांगितले.
अधिक बातम्या वाचण्यासाठी येथे क्लिक करा :
Pune News : अबब! शेवग्याला लगडल्या तब्बल साडेचार फूट लांबीच्या शेंगा
Pune News : पारदर्शक निकालासाठी ईव्हीएमचे आधुनिकीकरण व्हावे; केंद्रीय निवडणूक आयोगाला नोटीस
