Pune news : पुणे : पार्टीवरुन घरी निघालेल्या तरुणीवर मदतीच्या बहाण्याने बलात्कार केल्याची धक्कादायक घटना खराडी भागातील एका हॉटेलमध्ये गुरुवारी (ता.२८) घडली आहे. याप्रकरणी विमानतळ पोलिसांनी नराधमाला अटक केली आहे.
दत्तात्रय खरात (वय २८, रा. विमाननगर) असे अटक करण्यात आलेल्या आरोपीचे आहे. याप्रकरणी एका ३२ वर्षीय तरुणीने विमानतळ पोलीस ठाण्यात फिर्याद दिली आहे.
विमानतळ पोलिसांनी नराधमाला ठोकल्या बेड्या…
पोलिसांनी दिलेल्या माहितीनुसार, विमाननगर भागात बॅकयार्ड कॅफे आहे. या कॅफेत फिर्यादी तरुणी, तिची मैत्रीण, दोन मित्र गुरुवारी रात्री पार्टी करण्यासाठी गेले होते. (Pune news ) उपाहारगृहात दहा हजार रुपयांचे बिल झाले. तरुणीने डेबिट कार्डद्वारे बिल अदा करण्याचा प्रयत्न केला. मात्र, डेबिट कार्डच्या सांकेतिक शब्दात चूक झाल्याने बिल अदा होऊ शकले नाही.
त्यानंतर उपाहारगृहातील व्यवस्थापक आणि कामगारांनी तरुणीला शिवीगाळ करुन दोन मोबाइल संच, पॅनकार्ड, आधारकार्ड, डेबीट कार्ड ताब्यात घेतले. (Pune news ) बिल भरल्यानंतर जप्त केलेल्या वस्तू परत करेल, असे त्यांनी सांगितले. त्यानंतर तरुणी उपाहारगृहात थांबली.
दरम्यान, त्याचवेळी उपाहारगृहातील एका ग्राहक तरुणाने तरुणीला मदत करण्याचा बहाणा केला.(Pune news ) तरुणीला घरी सोडण्याचा बहाणा करुन खराडी भागातील एका हॉटेलमध्ये नेऊन तरुणीवर त्याने बलात्कार केला.
याप्रकरणी तरुणीने विमानतळ पोलीस ठाण्यात फिर्याद दिली, गुन्हा दाखल होताच पोलिसांनी आरोपी खरात याला अटक केली आहे. पुढील तपास वरिष्ठ पोलीस निरीक्षक विलास सोंडे करीत आहेत.
अधिक बातम्या वाचण्यासाठी येथे क्लिक करा :
Pune News : निवृत्त पोलिसाच्या मुलाची कोयत्याने वार करत हत्या ; पुण्यात प्रचंड खळबळ..
Pune News : यंदा पुण्यात विसर्जन मिरवणूक २८ तास ४० मिनिटे
Pune News : विसर्जन मिरवणुकीत एक हजार मोबाईलची चोरी; पुणे पोलिसांच्या ऑनलाइन पोर्टलवर नोंद
