Pune News : पुणे : ऑनलाईन मोबाईल फोन मागविणाऱ्या ग्राहकांना मोबाईल फोनऐवजी फरशीचा तुकडा, साबणाची वडी, बंद मोबाईल देवून फसवणूक करणाऱ्या फ्लिपकार्ट कंपनीच्या चार कर्मचाऱ्यांना खंडणी विरोधी पथक क्रमांक २ च्या पोलिसांनी ताब्यात घेतले आहे.
मोईन मोहम्मद हलीम सय्यद (वय ३० रा. तळेगाव दाभाडे), आकाश राजकुमार निकम (वय – ३२ रा. विमाननगर पुणे), रणजितकुमार राजगीर मंडल (वय – २५ रा. महंमदवाडी), तुकाराम कृष्णा चौगुले (वय ३० रा. रायकरमळा धायरी, पुणे) असे ताब्यात घेतलेल्या चौघांची नावे आहेत. (Pune News) त्यांच्याकडून पोलिसांनी ४ लाख ५१ हजार ४३ रुपये किमतीच्या वेगवेगळ्या कंपनीच्या नमूद गुन्ह्यातील १९ मोबाईल फोन जप्त केले आहेत.
खंडणी विरोधी पथकाची कामगिरी
पोलिसांनी दिलेल्या माहितीनुसार, माणिक मोबाईल शॉपीचे मालक यांनी त्याचे मोबाईल शॉपीमधून ग्राहकांनी ऑनलाईन मागविलेले ३१ मोबाईल फोनची अशाच प्रकारे अपहार करुन एकूण ७ लाख २७ हजार ३१९ रुपयांचे मोबाईल फसवणूक केल्याबाबत माणिक मोबाईल शॉपीच्या मालकांनी हडपसर पोलीस ठाण्यात तक्रार दिली होती.(Pune News) त्यानुसार अज्ञात आरोपी विरुद्ध गुन्हा दाखल करण्यात आला होता.
पुणे शहर व परिसरामध्ये माणिक मोबाईल शॉपी हडपसर पुणे येथे फ्लिपकार्टद्वारे ऑनलाईन मोबाईल फोन मागविणाऱ्या ग्राहकांना मोबाईल फोन हे व्यवस्थित पॅक करुन डिलेव्हरी बॉयकडे दिले असता, ग्राहकांना मोबाइल फोनऐवजी फरशीचे तुकडे, साबणाच्या वड्या आणि बंद पडलेले मोबाईल मिळाल्याबाबत तक्रारी प्राप्त झाल्या होत्या. (Pune News) फसवणुकीचा प्रकार पाहता, यामध्ये डिलिव्हरी बॉय, कर्मचारी सहभागी असल्याची शक्यता लक्षात घेवून तपास सुरु केला.
तपास करीत असताना वरील आरोपी हे फ्लिपकार्ट कंपनीकडे स्कॅनर, डिलीव्हरी बॉय, चालक म्हणून कामाला असून, ते मोबाईल शॉपीमधून मोबाईल फोन घेतल्यानंतर परस्पर त्या बॉक्समधून मोबाईल काढून त्याठिकाणी फरशीचे तुकडे, साबणाच्या वडया आणि बंद पडलेले मोबाईल फोन ग्राहकांना देवून मोबाईल शॉप मालकांची व ग्राहकांची फसवणूक करत असल्याचे निष्पन्न झाले आहे. (Pune News) नमूद आरोपी हे सध्या पोलीस कस्टडीमध्ये असून, अधिक तपास सुरु आहे.
सदरची कामगिरी खंडणी विरोधी पथक २. गुन्हे शाखेचे पोलीस निरीक्षक प्रताप मानकर, सहायक पोलीस निरीक्षक चांगदेव सजगने, पोलीस उपनिरीक्षक मोहनदास जाधव, श्रीकांत चव्हाण, पोलीस अंमलदार अमोल पिलाने, विनोद साळुंके, ईश्वर आंधळे, अनिल मेंगडे, चेतन शिरोळकर, किशोर बर्गे, राहुल उत्तरकर, चेतन आपटे, संग्राम शिनगारे, सचिन अहिवळे, सुरेंद्र जगदाळे, प्रदीप शितोळे, आशा कोळेकर, प्रदीप गाडे यांनी केलेली आहे.
अधिक बातम्या वाचण्यासाठी येथे क्लिक करा :
Pune News : झाडू मारताना अंगावर कचरा उडाल्याने तरुणावर पालघनने वार; खडकीत थरार; दोघांना अटक
Pune News : एकतर्फी प्रेमप्रकरणातून मुलीच्या आईला जीवे मारण्याची धमकी ; कोंढवा परिसरातील घटना..
