लहू चव्हाण
Pachgani News : पाचगणी : पोलीस बांधव कर्तव्यावर असतात, म्हणूनच संपूर्ण समाज मोठ्या उत्साहात आणि निर्धोकपणे सण साजरा करू शकतो. नागरिकांच्या रक्षणाची हमी घेणाऱ्या पोलिसदादांना ॲसटाॅन डिफेन्स अकॅडमीच्या विद्यार्थ्यांनी राखी बांधून रक्षाबंधन साजरे केले.
पोलिसांकडून भगिनींना सुरक्षिततेबाबत मार्गदर्शन
पाचगणी (ता. महाबळेश्वर) येथील ॲसटाॅन डिफेन्स अकॅडमीला रक्षाबंधनानिमित्त पाचगणी पोलीस ठाण्याचे सहाय्यक पोलीस निरीक्षक राजेश माने, सहाय्यक फौजदार नितीन जाधव व पोलीस कर्मचाऱ्यांनी भेट दिली. या वेळी अकॅडमीमधील मुलींकडून पोलीस बांधवांना राखी बांधण्यात आली. (Pachgani News) पोलिसांकडून या भगिनींना भेट देवून, त्यांना सुरक्षिततेबाबत मार्गदर्शन करण्यात आले.
या वेळी ॲसटाॅन होस्टेलचे अध्यक्ष अमर बिरामणे, उपाध्यक्ष नरेंद्र बिरामणे, खजिनदार विजय बिरामणे, रंजना बिरामणे, सारिका बिरामणे, प्रज्ञा बिरामणे आदी उपस्थित होते.(Pachgani News) दूरवर असलेल्या आपल्या भावांना राखी बांधू न शकणाऱ्या ॲसटाॅन डिफेन्स अकॅडमीच्या विद्यार्थीनींनी कर्तव्यावर असलेल्या पोलीस बांधवांना राख्या बांधल्याने भावनिक जोड बघायला मिळाली.
अधिक बातम्या वाचण्यासाठी येथे क्लिक करा :
Pachgani News : वटवृक्षाला राखी बांधून केली दीर्घायुष्यासाठी प्रार्थना
